Nabambannog a Saka
Basaentayo ti Mateo 11:26-30
Umaykayo kaniak, dakayo amin a nabannog ken madagdagsenan, ket paginanaenkayo. — Mateo 11:28
NAISIMPAMIN ti nagkampuanmi, siak ken ti anakko a babai a ni Alison nga agtawen iti lima. Simmalogkami iti bantay tapno mapan agkalap iti karayan. Nasdaawak iti kinapintas ti nakaparsuaan nga inaramid ti Dios. Dagiti natayag a kayo ti nagserbi a linongmi bayat ti panangmatmatmi ti nagpintasan a buya iti baba. Sinaludsodko ken ni Alison, “Saan kadi a nagpintas?”
“Wen, Mama,” kinunana, “no saan a nabannog dagiti sakam.”
Naamirisko a bayat a masmasdaaw dagiti matak iti buya iti sanguanan, nayintek ti imatang ni Alison iti narigat a dalan.
Adda dagiti panawen iti biagtayo a nabambanog dagiti sakatayo ket ditay makita ti kinapintas ti aglawlawtayo. Adu dagiti narigat a pagnaen iti biag, kas ti naperdi a relasion, panangaywan kadagiti nataengan a nagannak, pannakapukaw kadagiti napateg a sanikua, pannakidangadang kadagiti adu a responsibilidad, wenno panangpatalged iti pinansial a kasasaad. Ania man a rigat iti dalan, yawis ni Kristo, “Umayka kaniak.” No mapantayo iti Dios babaen ti kararag ken inaldaw a panagbasa iti Biblia, makaadaltayo manipud iti Espiritu Santo ken mariknatayo ti ima ti Dios a mangingato iti timidtayo, mangikkat iti panunottayo kadagiti nabambannog a sakatayo ken mangpalubos kadatayo a masdaaw iti kinapintas ti aglawlawtayo. Agtultuloy ti narigat a dalan, ngem agbalbaliw ti kapanunotantayo ken mabendisionantayo babaen ti buya a maimatangantayo.
Kararag:
Ni GINA BYLSMA ti California
Agyamanak, Apo Dios, iti pananguksotmo kadagiti pannakariribukko ken panangtedmo iti panaginana kadagiti kararuami. Tulongannakami a mangisentro kenka ti panagkitami babaen ken ni Jesucristo ken ti sakripisiona a mangted talna. Amen.
Kapanunotan:
Iliklik ti mata manipud iti narigat a dalan ken agbirok iti namnama ken ni Kristo.
Ikararagan:
Dagiti nabambannogan ti saksakada.
Idi madlawna a rimmuar ni nanangna iti kuarto, linukaisanna ti derosas a pranela nga ulesna. Adda gayam ni Amour iti abayna a narnekan iti turog. Mayat ti kukotna iti sakaananna. Pinadasna ti nagkidem ta bareng maalanan ti turogna. Agalas onsen ngem di met la mairidepen. Pampanunotenna ngamin ti nagsarsaritaanda ken Roman itay. Dina maiturturog dagiti naammuanna iti baro. Adu dagiti banag a pagpadaan ken pagdumaanda. Agpadada nga agrukbab ken ni Jill Mansell. Agpadada pay iti paborito a team iti NBA. Paboritoda pay ni Stephen Curry. Uray pay iti paborito a wrestler, agpadada. Nairanrana kadi laeng dagitoy? Wenno dimteng kadin ti tagtagiurayenna— ti kapisi ti kararuana?
“Ni kadi Romano Ambrocio, Jr. ti soulmate-ko?” namin-ano a