Agbuybuyaka iti Porno, Lilo?
Ngem adda rimmuar a report itay laeng Enero a diak la ammo no mayannatup ti #PinoyPride.
Impablaak ti website a Pornhub ti 2015 Year-in-Review reportda a nangdakamatanna a ti Filipinas ti Top 16 a pagilian iti entero a lubong a naggapuan dagiti bumisbisita iti nasao a porn site. Nangatngato daytoy ngem iti Top 19 a ranggo ti Filipinas idi 2014. Top 1 ti Estados Unidos, Top 3 ti India, ken Top 12 met ti Japan.
Imbinsabinsa ti report no mano a minuto ti panagbuya dagiti nadumaduma a pagilian iti porn ken no asino dagiti kababayagan nga agbuybuya iti porn.
Top 1 ti Filipinas no Time Spent per Visit ti pagtutungtongan: 12 minutes 45 seconds ti average nga oras ti panagbuya dagiti Filipino iti porn iti daytoy a website. Iti entero a lubong, ngimmato iti uppat a segundo ti global average iti panagbuya iti porn.
Gapu ta umad-adun sa ti addaan iti access iti Internet, nalabit, umad-adu met dagiti agbuybuya iti porn online. Amangan no uray dagiti aglaklako iti pirated DVDs ket malugi gapu iti porn access online.
Adu pay a datos ti imbunannag ti report. Ad-adu nga amang ti agbuybuya iti porn iti rabii— iti alas dies agingga iti tengnga ti rabii. Ngem nakakaskasdaaw ta uray iti alas 4 iti malem, ka-level ti kinaadu ti agbuya iti porn iti alas 9 iti rabii. Saan koma met nga iti opisina ti pagbuybuyaanda iti porn, aya? Saan laeng a dagiti lallaki ti agbuybuya iti porn: babbai ti 24% worldwide visitors ti Pornhub. Ditoy Filipinas, nangatngato dayta a percentage: 35% ti agbuybuya iti Pornhub ket babbai.
No maipapan met iti edad, 42% ti agbuybuya iti Pornhub ket dagiti agtutubo nga agtawen iti 18-24; 31% dagiti agtawen iti 2534; 12% dagiti agtawen iti 35-44; 7% met dagiti agtawen iti 4554; 5% dagiti agtawen iti 55-64; ken 3% met dagiti dagiti lilong ket lilangtayo nga agedad iti 65 agpangato.
Natakuatan pay ti nasao a website nga idi nag-boxing da Pacquiao ken Mayweather, bimmaba iti 15% ti Internet visits iti porn. Mayat sa no kanayon nga adda boxing ni Pacquiao, aya? Aniat’ makunayo kadagitoy a datos? Para iti reaksion, singasing wenno saludsod, ag-e-mail iti mighty_rasing@hotmail.com.—O