Kastoy, Kapid, Ditoy Hawaii
innem a kaban a bagas iti tinawen bayat a nakasalda ti daga. Malaksid iti dayta, nagkari pay nga addanto saraboda inton sumangpet ni Melchor.
Ngem ita, sumangpet ni Melchor nga imaima kalpasan ti kaaddana idiay Saudi iti pito a bulan.
“Awan nuangmi ken awan talonenmi no dimi masaka ti daga, angkel. Kasano pay nga agbiagkami no dinakami tulongan?” insainnek kano ni Damian iti selpon.
Ngem nagunget ni uliteg. “Dinak impangag idi bagbagaanka,” kinunana.
Sinupiat ngamin ni uliteg ti panagabrod ni Melchor nangruna ti pannakaisalda ti dagada ta, kas kinunana, agur-uray ti daga iti nagaget nga ima a mangsukay. Adu ti mabalin a maimula a pagapitan ken pamastrekan iti nawadwad no ipasnek ken ipamaysa nga aramid ti panagtalon. Kinapudnona, agingga ita, sangkakuna ni uliteg, “No basaenyo ti linaon ti iti linawas, wenno dagiti salaysay da Zac Sarian ken Reynaldo Andres, makaadalkayo a nasayaat ket matakuatanyo ti umno a mula dita naparayapay a daga iti bangkag, kas koma iti singkamas wenno tugi wenno mani. Malaksid iti panagtalon, mairapin pay ti panagtaraken iti dingo ken dadduma pay a maaramid iti aglawlaw ti pagtaengan.”
Ti kinapudnona, kapid, napalalo ti apal ni uliteg kadagiti agtaltalon ditoy Hawaii. Tunggal maidaw-as kadagiti pagmulmulaan da Jasmin Agcaoili a taga-Bagbag idiay Waialua iti nadumaduma a natnateng, napalalo ti pannakakayawna kadagiti nabubunas a kabatiti ken sitaw, wenno ti sagsasangadangan a bunga ti singkamas.
No met mapan ni uliteg idiay tiendaan, uray la nga agwaragiwig no makitana ti presio dagiti nateng. “Nakurang pay ti tangdanko iti maysa nga oras nga agdaldalus,” kinunana idi gumatang iti pakbetenna a sili: $9.99 ti maysa a libra idinto ta $7.00 ti presio ti 10 a sabong ti karabasa. Napalalo met ti yamanna iti mulana a kamotig ta iti tiendaan, $2.50 ti bayad ti sangakerker.
Wen, kapid, nangina ti natnateng ditoy Hawaii. Ngem kuna ni uliteg a saan a kasla uong dagitoy a lumtuad lattan no di ket agsadag iti mannalon ken umno a panangaywan tapno adda itdenda a maapit.
Pilawen met ni uliteg ti gobierno ti Filipinas gapu iti pannakabaybay-a ti sektor ti agrikultura. No ti pakaseknan dagiti mannalon ti tinaming ti gobierno, aglaplapusanan koma dagiti maapit ket mabalin a may-export dagitoy. Kasta met a no ti panagpartuat ti nakaiturongan ti imatang dagiti agtuturay, saan koman a nasken a mangged iti ruar ti pagilian dagiti Filipino.
Inyarig ni uliteg ti nailata a danum ti kalog a niog, wenno digo ti napespes a naigad a niog, kasta met ti bunga a durian ken Jasmin a bagas, aggapu amin dagitoy a tagilako idiay Thailand. Adu dagita dita Filipinas ngem gapu iti kinakurang ti pannarabay ti gobierno, kapilitan a maiwarang ken mabaybay-an dagitoy a malungsot.
Kabayatanna, kapid, inkari ni uliteg a tulonganna ni Damian a mangpasubli iti daga ken nuang no ikari daytoy nga igaedda nga agama ti mangtaming kadagiti dagada— ken agbasada kadagiti sinurat da Zac Sarian ken Rey Andres iti O
Bannawag
Bannawag.—
“Ay, ket nasayaat, a. Adda katulongan da amang ken inang nga agtalon. Kasano a nalasinnak ket kastoy met ti langakon?” “Ay, angkel! Kaniak, guapokay latta!” Kellaat a simkil dagiti gurong ni Uppong ken nagwengweng dagiti sarang a lapayagna iti nangngegna. “Diak malipatan ti kanayon a panangsaksaklotyo kaniak, ti panangbisbisongyo kaniak. Ayna, kunak ken ni nanay, kayatko nga asawaenkanto no dumakkelak!” Naggarikgik.
Madi daytoyen! Adda peggad, ken nalaad, nga agparparikna ken ni Uppong no agbayag pay ditoy. Kasla nakangngeg iti kanta iti kaungganna: Run, Samson, run! Agawidkan, lokdit!