Ti Dios ti Mangipaay
Ni JACQUELINE BALBOA PASCUAL ti Siudad ti Tuguegarao Basaentayo ti Mateo 6:25-33
Ipangrunayo ketdi a biroken ti pagarian ken tungpalen ti pagayatanna, ket itednanto amin a kasapulanyo. — Mateo 6:33
NAKARO ti pannakariribukko, maudin nga aldaw ti eksaminasion dagiti dua nga annakko iti kolehio iti sumaruno nga aldaw. Malemen ngem awan pay nasapulak a pagpleteda ken igatangdanto iti pangaldawda. Saan payen nga agsusurot ti kararagko ta iti panunotko isu ti innak panangilako iti dua a salup a bagasmi. Mabainak met ta amangan no adda makakita kaniak a miembro ti kapilia a nakadestinuak. Isuda ngamin ti mangmangted iti suporta iti trabahador ti iglesia.
Pagam-ammuan, adda nagtoktok iti ridaw. “Pastor, yegko man ‘toy pangramananyo a linutok.”
Nalaus ti panagyamanko kenkuana. Sa kinunak, “Gatangem man laengen ‘toy bagasmi ket awan a pulos ti balon dagiti annakko a mapan ageskuela inton bigat.” “Pastor, ikkanka lattan iti tallo gasut. Umanay kadin, pastor?” Nabara manen ti panagyamanko. Ket iti nakemko kinunak, “Anian, Apo a nagimbagka.”
Napaneknekak manen a no ipangpangrunatayo a sapulen ti pagarian ti Dios ken agtungpaltayo iti pagayatanna, itedna dagiti amin a kasapulantayo, uray no saantayo nga ibalikas dagitoy kenkuana.
Kararag:
Agyamankami, Ama, iti kinapudno dagiti karim. Tulongannakami ngarud tapno ipangpangrunami dagitoy. Amen.
Pagpampanunotan:
bendisionna.
Ikararagan:
Mangaramat ti Dios kadagiti mangipaay iti
Dagiti mariribukan ken agkasapulan. nga ulep ni Apo Init ket itayab ti puyupoy ti ling-etna. Ania a bulan itan, aya? Dina pay malagipen manipud idi naglayas. Adda ketdi dagiti paripirip ti nakaparsuaan nga agsagsaganan dagiti taltalon iti umadani a pannakariingda manen. No kua, adda grupo dagiti billit a kinodkinod a lumabas iti ngatuenna, umarakiakda nga agpa-Amianan, a kasla kunkunada kenkuana: “Deretso, Uppong! Hapi trip!” Kasla kunkuna met ti grupo ti saksakulap a sumabat kenkuana, agpa-Abagatanda: “Danger ahead, Uppong! Bumallasiwka!” Hm, saan sa met a naggapu kadagiti saksakulap ti ballaag; kasla naggapu iti kaungganna, no di agkamkamali.
Kasano a makaballasiw ket, ney, bumanesbes dagiti lugan nga agpaamianan ken agpaabagatan? Di mabalin nga igasanggasatna ti nakakutkuttong la ngaruden a karadkadna! Saan la ketdi a sardengan dagiti tsuper no padasenna a tungpalen ti ballaag, ta pagkulkullayawan dagiti umili ti kinaloko dagiti drayber a Pinoy. Kunada a no didaka matodas iti panangatalda kenka, ay, ket subliandaka a leppasen ta nalaklaka kano ti bayad ti natay ngem ti gastosenda iti korte ken bayadanda iti pannakaospital ti biktima. Kasta ti taray ti utek ni Pinoy, ‘tay pagsasao nga “Only In Da Philippines”.
Aria! Ibanderam ‘ta bungonmo ken ‘ta boteliam tapno sardengandaka! kinuna ti timek-kaunggan.
Nagkintayeg iti nangngegna. Ania, ag-suicide kadin? Natarnaw pay laeng ti panunotna, dayta ti sierto. Nalawag a saan laeng a marumrumek, masinasina, ken mapitpit pay a kas kaingpis ti panid ti Balita, a kasla ‘tay natay a pusa wenno bao nga ibellengda iti Carmen-Rosales Highway a lumabas iti Tomana Weste ken Este tapno atalan ti nakaad-adu nga aglabas a lugan idiay iti 24 nga oras, 365