Kastoy, Kapid, Ditoy Hawaii
datayo ti ubbing, mabaintayo a mangan gapu ta ngumisit ti gugot ken ngipentayo. “Tagaaw-away a talaga,” kunkuna dagiti tagaili.
Nagasat ti Filipinas ta adu a kita ti kaykayo nga agbunga ti mailako ditoy Amerika. Ngem nakurang ngamin ti sirmatatayo. Saantayo a nasirpat dagiti nadumaduma a pamastrekan. Uray ti gobierno, kasla arrap a saanna a makita ti labes ti dua a tawen. Gapu iti dayta, awan regget dagiti umili nga agtalon ket kaykayatda ti mapan makigasanggasat iti sabali a pagilian ngem ti mangipasnek a mangtaming iti daga.
Kas pagarigan ni Isidro, kapid, napan idiay Taiwan ta masapul ti maysa a paktoria ti adu a trabahador. Nagbayad iti dakkel tapno maipagna ti papelesna. Idi adda idiay, agilata gayam iti rabong ti trabaho nga agur-uray kenkuana. Wen, daytay kalimusot ti kawayan wenno bayog. Ir-irapenda sa urnosenda nga ilata. Mailaklako dagitoy iti Amerika ken iti nadumaduma a paset ti lubong. Nadlaw pay ni Isidro nga iti saan unay nga adayo, adda met Filipino nga agtrabtrabaho iti pagaramidan iti chopstick wenno dagiti ar-aramaten dagiti Sanglay a mangan. Manen, may-export dagitoy agraman iti Filipinas.
Ngem ti nakallaladingit, kapid, aggapu iti Filipinas dagiti kawayan a makayasan a chopstick!
Adu pay dagiti bambanag nga aggapu iti Filipinas a kas raw material kalpasanna, ma-refine iti sabali a pagilian.
Maysa pay a pagarigan, kapid, dagiti darat a maakup iti igid dagiti baybay ken kadagiti karayan. Mairuar dagitoy iti pagilian a maibarko. Maisupot dagitoy kalpasanna mailako iti nadumaduma a paset ti lubong, nangruna idiay Tengnga-a-Daya. Adda pay makadanon ditoy Hawaii.
Gatgatangenmi ditoy dagiti darat manipud iti Filipinas ngem namarkaan a “Produkto ti Tsina”!
Apay, salsaludsoden ni uliteg, a saan a makaipatakder ti pagiliantayo iti pagisupotan iti darat wenno iti nagiling a batbato?
Kunkuna pay ni uliteg nga adu ti babaknang dita Filipinas ngem awan ti mangipatakder iti paktoria a panggedan dagiti Filipino. Binig a paggastosan ti negosioda a maipasdek, kas pagarigan dagiti condominium wenno townhouse, shopping mart a paglakuan iti lupot ken dadduma nga aramaten iti uneg ti balay a napartuat iti sabali a pagilian ngem Filipino ti nagtrabaho, kdp. Ti makadakes, nategged iti sabali a pagilian ti maigatgatang kadagitoy.
Ti nakabutbuteng, kunkuna ni uliteg, no agtalinaed a mangnamnamatayo iti panggedan iti sabali a pagilian, anianto ti mapasamak no saanton a kasapulan dagita a pagilian ti serbisio dagiti Filipino? No agbanag a kasta, matayto dagiti Filipino a ti kasasaadda nga agbibiag ket kas idi naipasngayda.
Nupay kasta, nasayaat koma latta no agmulatayo iti daldalligan, sapote, anonang, mabolo, kdp., bareng agbaliw ti programa ti gobierno ket tamingenna ti pakaseknan dagiti agtaltalon.—O ket dida nangipakita iti pudno a panagserbi. kallabes, kastadanto manen.
6. Ikkantayo koman iti gundaway dagiti sabsabali nga agserbi. Lipatentayon dagiti agsublisubli ngem awan met makita nga immulada a mangpalawa iti aangsan dagiti umili.
7. Kangrunaanna, denggentay koman ti ibagbaga ti konsiensia ti tunggal maysa kadatayo. Kasarsaritanatayo manen ni Apo Dios a namarsua kadatayo nga iti panagbotostayo, ti koma pagimbagan ti ili ti panunotentayo.
Kabaelantayo ngata nga ipatungpal ti Natalged ken Nadalus nga Eleksion 2016 (SAFE 2016) nga ikamkampania ti COMELEC?
La ketdi. No ditay aramiden, asino koma pay ngarud ti mangipatungpal?—O
No aniada
kadagiti