Ket Agayan- ayaten da James ken Nadine
Montano, Richard Gomez, Victor Wood, Gilbert Remulla, ken Imelda Papin.
Saan met la ngamin a name recall ti mangpangabak iti maysa a kandidato ta masapul met ti tayming ti panagkandidato (rumbeng a kalatlatakanda ken nabanglo ti naganda iti publiko iti panawen ti eleksion) ken napateg met nga adda iti mayoria wenno nabileg ti makinaria dagiti partido a pakikappenganda.
Agpapada nga agpailayon ken dati ketdi a senador dagiti nangato ti gradoda kadagiti kaudian a surbey ti Pulse Asia ken SWS. Kadua ni Sotto iti Magic 12 dagiti agpailayon a senador: Ralph Recto (maikapat iti Pulse Asia, maikatlo iti SWS), Franklin Drilon (agpada a maikalima), Sergio Osemena III (agpada a maikapito), ken Teofisto Guingona III (agpada a maika-11). Nangato met ti grado dagiti dati wenno agsubsubli a senador a kas kada Kiko Pangilinan (maikadua ken maikapat) Ping Lacson (maikatlo ken maikadua), Miguel Zubiri (agpada a maikanem) ken Richard Gordon (maikawalo ken maika12). Da Pacquiao, Leila de Lima a dati a kameng ti gabinete ni Presidente Noynoy Aquino, ken Pia Hontiveros dagiti baro a rupa wenno saan pay a nagsenador. Adda ni De Lima iti maikasiam a puesto iti agpada a surbey idinto nga agbitbitin iti maika-12 kadagiti isu met laeng a surbey ni Hontiveros.
Pagrukodan
No padas ti pagpapatangan, awanen ti makunam kadagiti nagbalinen a senador. Ngem nakas-ang laeng ta kasla agkurang ti paglugaran dagiti adda met karbenganna nga agbalin a senador a kas kadagiti dati a party-list representative Neri Colmenares ken Samuel Pagdilao, Jr.; Jericho Petilla a dati a kameng ti gabinete, Joel Villanueva ti TESDA, ken dagiti abogado a Lorna Kapunan ken Levi Baligod.
Napaut ti kampania, ket nawaya pay met ti panawentayo nga agpili kadagiti rumbeng nga agbalin a senador.
Saantayo koma nga agbatay laeng iti kinalatak wenno iti apeliedo ti maysa a kandidato. Kitaentayo koma no asino dagiti kakaduana wenno ti nakaikappenganna a koalision wenno partido.
Malaksid iti padas ken kinasirib, napateg pay a nadalus ti kinataona, saan nga ulbod ken awan ti kasona mainaig iti korupsion wenno ania man nga administratibo ken kriminal a kaso, ken maipariknana nga ipangpangrunana ti interes ti sangapagilian ngem dagiti gagayyemna. Liklikantayo koma ngarud nga ibotos dagiti asino man a saan a makaragpat kadagitoy a kualipikasion.—O