School-on-the Air. Iti pannakairugi manen ti School-on-the Air wenno Eskuela iti Tangatang a programa ti Mariano Marcos State University, Siudad ti Batac, idi Marso 14, 2018.
Mayadal ditoy kadagiti agdengdengngeg dagiti nagduduma nga impormasion ken teknolohia iti panagtalon ken panagtaraken iti dingo. Maipatangatang ti nasao a programa iti DWFB Radio Pilipinas, Laoag (12-1 iti malem) iti kada Mierkoles ken Biernes. Maipatangatang met laeng ti nasao a programa iti 6-7 iti bigat iti DWCI 105.1 FM Piddig iti panangipalubos ni Piddig Mayor Georgina Guillen. Makita iti ladawan da DWFB Station Manager Cely C. Paz (nakatugaw); Mercy R. Gaño, program anchor ti SOA; Analiza Saguid, Development Communication student manipud iti MMSUCAFSD; ken Prof. Sean R. Vidad, guest lecturer maipapan iti panagtaraken iti dingo iti tiempo ti kalgaw wenno tikag.