Padasem Daytoy, Kailian
IDI Marso 23, 2018, dimmar-aykami iti maysa a panagpapatang maipanggep iti panagtaraken iti tilapia iti Taal Lake. Binuangay dayoy ti Santeh Feeds Corporation, maysa a dakkel nga agar-aramid iti pagpakan kadagiti lames a kas iti tilapia, bangus, danggit, paltat, kdp.
Napanunot ni Santeh Feeds nga angayen ti panagpapatang tapno matulongan dagiti agtartaraken iti tilapia iti fishcage. Ngamin, saan laeng a ti panagtarakenda ti yan ti problemada no di pay ket iti panaglakoda.
Idi dumar-aykami iti panagpapatang idi Marso 23, agpateg ti sangakilo a tilapia iti P74. Saan kano pay met a pakalugian dayta dagiti agtartaraken iti tilapia nupay iti isu met laeng a panawen idi napan a tawen, P94 ti sangakilo. Dakkel kano ti mapaspastrek dagiti agtartaraken iti tilapia itay napan a tawen.
Ti kunada a rason a limmakaan ti tilapia isu ti kaadu unay ti tilapia. Isu nga iti panagpapatang, insingasing dagiti eksperto manipud iti Santeh a saanda koma nga aggigiddan nga agtaraken iti an-annak kadagiti fish cage-da tapno di agsobsobra ti makalap a tilapia.
Adu a talaga ti matartaraken a tilapia kadagiti fish cage iti Taal Lake. Kas kuna ti Bureau of Statistics, mapan a 56,000 a tonelada ti makalkalap a tilapia iti Taal Lake iti uneg ti makatawen. Ti dakkel a problema, awan ti “bagsakan” iti tilapia iti Talisay wenno kadagiti dadduma pay a lugar iti asideg ti Taal Lake a mabalin a pagipanan dagiti agtartaraken iti tilapia iti tilapia iti apitda. Mapmapan lattan dagiti biahero kadagiti Gagangay a sag-P100 ti sangakilo nga ilado a tilapia kadagiti tiendaan. agtartaraken isu nga awan ti masnop a presio ti tilapia. Idiktar ngarud dagiti biahero ti presio.
Baro a Sistema ti Panaglako
Agarup 10 a tawen itan ti napalabas, mailado dagiti makalapan a tilapia. Apaman a mayaon dagitoy iti fish cage, maipan dagitoy iti plastik a kahon nga adda yelona sa maipan kadagiti tiendaan.
Ita, saanen a kasta ti kasimplena. Kaykayat ngaminen dagiti aggatang dagiti sibibiag a tilapia uray nanginngina iti P10 ngem dagiti ilako. Ngem saan met a basta maaramid dayta dagiti agtartaraken iti
Dagiti babbai nga agtartaraken iti tilapia manipud iti ili ti Agoncillo, Batangas. Akinngato a ladawan, kanawan: Ni Danny Cabrera, Area Sales Manager for Luzon ti Santeh Feeds. Kanawan: Ni Dennis Rito, Marketing Coordinator ti Santeh Feeds. tilapia isu a bassit ti maipatulodda a sibibiag a tilapia kadagiti tiendaan.
Adu a Tilapia
Iti fish cage nga aglawa iti 10 a metro kuadrado nga addaan iti kaadalem a 10 a metro, ditoy a mataraken ti 200,000 nga an-annak. Inton mabalinen a kalapen dagitoy, agdagsendan iti 30 a tonelada.
Kas kunada, gagangay a 60 a porsiento ti agbiag kadagiti maibulos a 200,000 nga anannak. Kayatna a sawen a 120,000 ti mabalin a makalap. Ngem saan a makalap dagitoy nga aggigiddan. Mapili laeng dagiti agdagsen iti 250 agingga iti 300 a gramo. Ket no amin dagiti 120,000 a tilapia ket agdagsen iti 250 a gramo ti maysa, 30 a tonelada ngarud ti makalapan; no 300 a gramo ti tunggal maysa, 36 a tonelada met.
Ti 30 a tonelada no mailako iti P74 ti kada kilo, adda paglakuan a P2,220,000. No P94 ti kada kilo, kas iti napalabas a tawen, adda paglakuan a P2,820,000.
Ti pagpakan iti ikan ti dakkel a paggastuan dagiti agtartaraken iti tilapia. Iti maysa a fish cage, makagastoda iti P1,350,000 para laeng iti pagpakan. Ti met agbantay iti fish cage, nga isu metten ti agpakan kadagiti tilapia, ken mangkita iti pagsayaatan ti fish cage, makibingayto iti mapastrek. No nangina ti tilapia, mabalin nga adda bingay daytoy a P600,000 iti tunggal fish cage nga aywanna. No adda aywanna a tallo a fish cage, dakkel la ketdi ti mabingayna nangruna no nangina ti tilapia.—O