TI Gasatmo Ita a lawas

A

RIES (Marso 21- Abril 20). Panawen ita ti panangtungpal kadagiti naisawsawang iti napalabas ken panangurnos kadagiti nakabulodan, naimbag a nakem man wenno pinansial. Maparaburanka ita iti kabaelan ken gundaway a pagdinnakulapen ti dua a kasinged a di makapagpinnerreng. Nagasat a numero: 2, 4, 8.

T

AURUS (Abril 21- Mayo 20). No seknan iti panagduadua no umno wenno saan ti ar-aramiden— usaren ita a pagilasinan ti pannakilangen dagiti kameng ti pamilia. Masansan a ni dungngo ti mangpatibker iti pakinakemmo, kastaka koma met kenkuana. Umadayo kadagiti aramid a maisakripisio ti salun-at. Nagasat a numero: 3, 6, 9.

G

EMINI (Mayo 21- Hunio 20). Kasla nakasallabay ni suerte ita kenka ngem dimo koma unay pagtalkan nga ilisinaka iti ania man a parikut. Balitok ti panawen ita ket yuna dagiti kangrunaan a pagrebbengan. Usaren a naimbag ti adda a sirib. No ikkaten ti kinatangig, ad-adda a maduktalan ni dungngo ti kinatan-okmo ket umirut ti arakupna. Nagasat a numero: 1, 4, 7.

C

ANCER (Hunio 21- Hulio 20). Kasla nakaluklukay ti dakulap ni parabur ita kenka— dina ketdi kayat a sawen a para amin kenka dagiti maawatmo. Nupay kasta, itultuloy latta ti kinamanaginut ken kinaurnos iti panaggasto. Nayonam pay ti pasiensiam iti maysa a kameng ti pamilia. Nagasat a numero: 2, 6, 8.

L

EO (Hulio 21- Agosto 20). No komplikado ti situasion, agsanud sa amirisen dagiti pasamak— dumteng ti naisangsangayan nga idea a mangibagnos kenka. Adda ita iti daga ti panguartaan ngem nasayaat latta met no sumiripka iti sabali. Liklikan nga agari ti kinaulimek iti nagbaetanyo ken dungngo. Nagasat a numero: 3, 4, 7.

V

IRGO (Agosto 21- Septiembre 22). Nagkayamkamen ti rissik nga inyaleng-aleng. Nupay kasta, adda iti maysa a kasinged ti uloulo ti danum a mangsebseb iti rumabraba a parikut. Saan a palusposan ti petpetpetan a gundaway para iti pannakaital-o ti panagbiag. Ited ken ni dungngo ti rumbeng a para kenkuana. Nagasat a numero: 1, 5, 9.

L

IBRA (Septiembre 23- Oktubre 22). Laglagipem nga adda latta nagbedngan ti trabaho ken pannakigayyem. Awan ita ti lugar iti barukongmo ti panagipangta wenno panagibales. Maysa a padaya ti dar-ayanyo a sangapamilia nga ad-adda a mamasinggalut kadakayo. Nagasat a numero: 3, 4, 8.

S

CORPIO (Oktubre 23- Nobiembre 22). No nakayakay ti sabali bayat ti panagsaritam, kayatna a sawen nalaw-asamon ti panagtalekmo iti kabaelam. Sika ti bagnos dagiti annakmo ngem laglagipem a saandan a maladaga. No panagdur-as ti pampanunotem, siripen nga umuna ti pagbagasan. Nagasat a numero: 2, 6, 7.

S

AGITTARIUS (Nobiembre 23- Disiembre 20). Nupay dakkel ti maaramidan dagiti antigo a wagas, positibo ita ti ipaay ti panangabrasa iti baro ken naidumduma a pamuspusan. Maay-ayo nga umapon ti grasia no lukaisan iti kaaduan ti pudno a katatao. Padasem man met ti agsarming ket agtignayka a kas iti ar-aramidem iti sango ni dungngo. Nagasat a numero: 1, 4, 8.

C

APRICORN (Disiembre 21- Enero 19). Makatulong ita ti maysa a kasinged tapno marisut ti nabayagen a mangburburibor kenka. Iti agtapos ti lawas, makadar-ay iti maysa a parambak a mamaglangto ti aglawlawmo. No maidirekta kadagiti ipatpateg ti amin a tignay, agsagrap iti adu a grasia manipud kadakuada. Nagasat a numero: 3, 5, 9.

A

QUARIUS (Enero 20- Pebrero 19). Narikut man ita ti situasion, kabaelam daytoy nga urnosen ken usaren para iti pangpanggepem a panguartaan. Dimo maigawid dagiti rumbeng a mapasamak ket agyamankanto ta naparabur gayam dagitoy kenka. No kayat ti kanayon a nasam-it a romansa, siguraduenyo ken dungngo ti agbalin a kanayon a naragsak. Nagasat a numero: 1, 6, 8.

P

ISCES (Pebrero 20- Marso 20). Mangnamnama ita iti positibo a resulta ti rinugian a gannuat iti napalabas. No nalubo ti dalan, usaren dagiti dadduma a wagas a makagteng iti kayat a papanan. No adda kayat nga iruangan ken ni ay-ayaten, itan ti gundawaymo. Tungpalen ti naikari ken ni dungngo. Nagasat a numero: 3, 4, 7.