Ading Kosinera

KAS kadagiti immunan a potahe nga indasartayo iti panagisagana iti taraon nga ikan ti kangrunaan a ramenna, ikan met laeng ti kangrunaan a ramen daytoy potahe a kayatmi nga iparaman kadakayo ita. Isu daytoy ti nuggets nga ikan (fish nuggets). Wen, adda chicken nuggets, nga isu ti gagangay nga ammotayo. Ngem padasentayo man met ti fish nuggets.

Simple laeng ti sistema a panangisagana iti fish nuggets ken alisto nga aramiden. Nayon pay laeng met a padigo dagitoy kadatayo dagiti kakaduatayo manipud iti College of Aquatic Sciences and Applied Technology (CASAT) iti MMSU, Currimao.

Dagiti ramen:

1 kilo nga ikan, natadtad 1 tasa nga arina ¼ tasa a tubbog ti kalamansi

1 kutsarita a pimienta, puraw manteka a pagprito Breadcrumbs 1 sibuyas, natadtad 4 kangipen a bawang, natadtad iti napino ¼ tasa a danum asin

Panangisagana:

1. Iwaen ti ikan. Bugguan a nasayaat. 2. Tadtaden iti napino. 3. Mangsukat iti 2 tasa nga ikan, 1 tasa nga arina, ¼ tasa a tubbog ti kalamansi, 2 kutsarita a pimienta, sibuyas, bawang ken danum. 4. Kiwaren a nasayaat. 5. Mangporma iti kalalainganna iti kadakkel. Ipinas. Pormaen iti pakuadrado, 1” ti kapuskolna. 6. Ipatulidtid iti breadcrumbs. 7. Prituen iti 3-4 a minuto wenno agingga nga ag-brown ti kolorna. Idasar a karaman ti paborito a pagsawsawan.

* * * No kayatyo met ti masanay iti panagproseso iti taraon, mabalinyo ti agsurat iti

Presidente ti MMSU (Dr. Shirley C. Agrupis) through the Office of the Vice President for Research, Extension, and Business (Dr. Epifania O. Agustin). Adda dagiti ekspertotayo manipud iti MMSU College of Aquatic Sciences and Applied Applied Technology (CASAT) a kas koma kada Ms. Glezzenda P. Balbuena ken Ms. Carmencita A. Saladino a mangsanay kadakayo.—O