Daniw a Para Ubbing
Bulan ti Mayo
Bulan idi ti Mayo Idi pimmanaw ni tatangko Sabsabong a nagkaadu Intugotna nga inyadayo. Bulan idi ti Mayo Saan pay a nagtudo Napudot idi ti tiempo Tapok ti kaay-ayamko. Agtatamdagak idi iti tawa Ur-urayek ti isasangpetna Ni tatangko bareng adda Insangpetna a munmunieka. Ngem naglabas adu a Mayo Saan a simmangpet ni tatangko Ta kas kuna ni nanangko Kaduanan ti Dios Apo.