Filipinas, Myanmar, nagtulag para iti agrikultura

Bannawag - - Ti Tarakenmo Ken Sika -

Agtinnulongen ti Filipinas ken Myanmar a mangpapigsa iti sektor ti agrikultura ti tunggal pagilian, nangruna iti panagpaadu ti makalapan nga ikan.

Iti katulagan a napirmaan itay nabiit, indiaya ti Filipinas ti panagtinnulong iti tay-ak ti panagkalap ken ti pannakabangon dagiti pasilidad iti panagproseso iti Myanmar. Malaksid kadagitoy, indiaya ti Filipinas iti Myanmar ti itutulongna iti panagpaadu iti apit a balatong ken panagyeksport iti piek, karne, produkto manipud iti karne, ken lasona ken bawang.

Maibatay iti katulagan, maisayangkat dagiti mapagtinnulongan nga aktibidad iti dua a tawen.

Iti biang ti Myanmar, inkarina met ti itutulongna iti tay-ak ti panagproseso iti taraon, panagpaadu iti pasayan, bin-i, nuang ken pagpastoran ken dagiti makina a para iti agrikultura.

Am-ammo ti Myanmar nga agrikultural a pagilian, ken maibilang ti sektorna iti agrikultura a kas duri ti ekonomiana.

Newspapers in Tagalog

Newspapers from Philippines

© PressReader. All rights reserved.