Adu ti Filipino a Fans ti Momoland, ‘Bagis

Bannawag - - Tiakkub -

NAGARBO met dagiti costume ni Anne Curtis iti konsiertona nga “Annekulit: Promise, Last Na ‘To,” ‘bagis.

Segun ken ni Anne mismo, nanginngina pay dagiti costumena ngem dagiti dadduma a nagastos iti konsierto.

Ne!

* * * Daksanggasat ta awan ti nasiputanmi a napan nagbuya iti konsierto ni Anne a co-host-na iti “It’s Showtime”. Apay ngata? Ni ketdi Maine Mendoza ti napan nagbuya. Kinablaawanna pay ni Anne iti Instagram. Dagiti co-host ni Anne? Uray iti mismo nga “It’s Showtime” kalpasan ti konsierto, dida pay kinablaawan. Manen, apay ngata?

* * * Nagyaman ti Momoland, maysa a grupo a K-Pop, kadagiti fans-da a Filipino gapu iti napalalo a panaglatak ti kanta ti grupo a “Bboom Bboom.” Kadagiti ngamin agarup maysa milion a followers-da iti Facebook, nasurok a limapulo a porsiento kadagitoy ti Filipino.

Pammaneknek nga umatiperper ti fans ti Momoland iti Filipinas ti napalalo a kinalatak ti nadakamat a kanta. Asino pay ngata, aya, ti saan a makaammo a mangkanta ken mangsala iti “Bboom Bboom”? Dagiti lallaki? Imposible a dida am-ammo ni Nancy, aya, ‘bagis?

* * * Kinapudnona, kagapgapuda iti pagilian gapu iti maysa a pribado nga okasion.

Ngem saan a malidayan dagiti Filipino a fans-da ta iti mabiit, agsublida manen iti pagilian.

Iti daytoy a Septiembre 8, agpabuya ti Momoland iti opening ti UAAP Season 81.

* * * Saan a pudno ti agwarwaras a damag nga agkandidato ni Kris Aquino iti daytoy eleksion ti 2019.

Kuna ni Kris, ‘bagis, nga adda tallo a dadakkel a kontrata iti anunsio a pinirmaanna a saan a mabalin a sumrek iti politika agingga no 2020. Hm, 2022 ngarud? Para makita.—O

Ni ANGELO ‘ELOY’ PADUA

Newspapers in Tagalog

Newspapers from Philippines

© PressReader. All rights reserved.