TOP ACHIEVERS.

Bannawag - - News -

Sangapulo ket tallo nga estudiante ti School-on-the-Air (SOA) Program/Eskuela iti Tangatang ti nakipartisipar iti Top Achiever’s Examination a naisayangkat iti MMSU idi Agosto 16, 2018. Napili dagiti nageksamen manipud kadagiti napili nga enrollees manipud kadagiti 15 a munisipio a nakipaset iti SOA ti MMSU. Inyalat ni Florencio Madalipay (Siudad ti Batac) ti umuna a puesto; maika-2 ni Ernard John Agustin (San Nicolas), maika-3 ni Jeofrey Agustin (Solsona); maika-4 ni Richard Garcia (Badoc); maika-5 ni Edilberto John Ramos (Bacarra). Dagiti dadduma pay a top achievers (maika-6 agingga iti maika-13 a puesto): Margie Sagucio (Pasuquin), Jose Caditan (Paoay), Lorna Malvar (Sarrat), Zenny Sesuando Manuel (Banna), Edison Yamongan (Currimao), Noriel Magayano (Vintar), Celerino Ligot (Marcos), ken Feliciano Rondal (Nueva Era). Naisayangkat ti top achiever’s examination kas paset ti panangtingiting iti naadal dagiti nakipaset iti SOA. Nairaman pay iti ladawan da Dr. Aris Reynold V. Cajigal, Director ti Extension Directorate, MMSU; Dr. Sherlyn B. Nicolas, Planning and Monitoring Officer; ken Mercy R. Gano, mangimatmaton iti SOA. Naipatungpal ti SOA babaen ti pammalubos ti Presidente ti MMSU, Dr. Shirley C. Agrupis, iti tulong pinansial ti PCAARRD babaen ti proyekto a Sustaining Crop Productivity on Climate-resilient Technologies through Science and Technology Community-Based Farm on Climate Vulnerable Areas in Ilocos Norte iti pannakibinnuligna iti DWFB 954 AM Radyo Pilipinas-Laoag ken DWCI 105.1 FM Radyo Piddig, Gobierno Probinsial ti Ilocos Norte ken dagiti nagduduma nga LGUs ti Ilocos Norte. Maisayangkat ti panagturpos dagiti estudiante ti SOA inton Septiembre 19, 2018 iti MMSU Teatro, Ilocandia nga atendaran ti agarup 650 nga estudiante ti SOA (Ladawan: Kimberly S. Miguel/Teksto: Mercy R. Gaño)

Newspapers in Tagalog

Newspapers from Philippines

© PressReader. All rights reserved.