Ti Tarakenmo ken Sika

Bannawag - - Itoy A Bilang - Ni FRANCISCO S. ANTONIO

MANAGSUKISOK dagiti taraken nga aso ken pusa. No dadduma, masukalanda uray dagiti naipakni a bambanag a mabalin a mangsamal kadakuada.

Nasken ngarud a nakakandado wenno maidulin dagiti bambanag a mabalin a mangsabidong kadagiti taraken nga ayup. Kanayon a siguraduen a saanda a magaw-at wenno maipamuspusan ti pananggaw-atda kadagitoy a mamagpeggad iti salun-atda.

Adda galad ti adu a tattao a mangidisso lattan kadagiti agas a para kadakuada iti nalaka laeng a madanon dagiti taraken nga ayup.

Mabalin a biangan dagiti ayup no naiwara lattan dagitoy ken mabalin a kanen wenno dilpatanda. Iti laeng panangdilpatda, umanayen daytoy a mamagpeggad iti salun-atda.

Kasayaatan pay laeng nga idulin a dagus dagiti agas iti medicine cabinet. No saan a mairanta a para kadagiti ayup dagitoy a medikasion nasken a natalged iti nakaidulinanda. No saan, itaray dagitoy nga ayup iti maysa beterinario.

Napeggad kadagiti ayup dagiti agas a non-steroidal antiinflammatories a kas iti Ibuprofen, Naproxe ken Aspirin. Napeggad pay kadagiti aso ken pusa ti Acetaminophen (Tylenol).

Saan nga ipalubos a makatilmon dagiti taraken nga aso ken pusa kadagiti antidepressant a kas iti Effexor, Cymbalta, Prozac, ken Lexapro. Napeggad pay dagiti ADD/ADHD medications a kas iti Concerta, Adderall ken Ritalin Benzodiazepines agraman dagiti pagpaturog a kas iti Xanax, Klonopin, Ambien ken Lunestra. Yadayo pay dagiti aso ken pusa kadagiti birth control pills a kas iti Estrogen, Estradiol ken Progesterone.

Napeggad kadagiti ayup dagiti ACE (angiotensin-converting enzyme) inhibitors a kas iti Zestril ken Altace. Dagdagus pay nga anawaen dagiti taraken nga ayup no makita a bianganda dagiti beta-blockers a kas iti Tenormin, Troprol, ken; Coreg thyroid hormones a kas iti Amour Dessicated Thyroid ken Lynthroid.

Saan pay a maitutop nga ipauneg dagiti ayup dagiti cholesterol lowering agents a kas iti Lipitor, Zocor ken Crestor.

No saan nga ipatigmaan ti beterinario, saan nga ikkan dagiti ayup kadagiti human supplements, nutraceuticals wenno herbal remedies.—O

Newspapers in Tagalog

Newspapers from Philippines

© PressReader. All rights reserved.