Tips

Bannawag - - Itoy A Bilang - Inurnong ni ELIZABETH M. RAQUEL

NO AGARTEMKA ITI SILIT’ SAIRO. No agartemka iti silit’ sairo, nasaysayaat no piliem dagitay dadag wenno natangkenan, a saan ketdi a dagitay naluom. Payangyangam nga umuna wenno daytay kumbet sangkabassit sakbay nga ikargam iti garrapon nga adda sukana. Laokam met iti asin, bawang (naukisan ngen saan a napitpit) ken pimienta, ken uray naputed iti sagbabassit a lanut ti balangeg. No naluom ngamin ti sili nga artemen, gagangay a nalaka a madurdor.

NABANGLO A SABON, SAAN A

SANGA. Tapno agtalinaed a nabanglo dagiti aruaten, mangipan iti sabon a nabanglo, saan ket a ‘tay makasabidong a sanga (nepthalene balls) iti uneg ti lakasa, aparador, kabinet, wenno iti maleta a yan dagiti bado ken dadduma pay nga aruaten. Malaksid a pabangluenna dagiti bado, bugawenn a pay dagiti insekto a naayat a makipagnaed iti yan dagiti aruaten. KALPASAN TI PANAGPRITOM ITI IKAN. No agpritoka iti ikan, namnamaem nga adda saan a nabanglo nga angot nga agtalinaed iti kosina kalpasanna. Tapno maikabassit no di man mapukaw dayta nga angot, mangkutsara iti peanut butter sa ikarga iti pariok a nagprituan ket prituen daytoy iti maysa wenno dua a minuto. Ti angot ti peanut butter iti uneg ti kosina, ken uray payen iti balay, amang a nabangbanglo ngem ti angot ti ikan ken manteka.

KITAEM KAD’ LA NI LEMON. No daytay kasla agkukurrotka, padasem a nayonan sangkabassit iti tubbog ti lemon ti danum nga inumem, wenno saan, agsepsepka iti tubbog ti lemon. Makatulong daytoy a mangriing iti riknam ken mangiwagsak iti panaglaladutmo. Adda met ramen ti lemon a potassium a mangpasayaat iti presion ti dara ken mangep-ep iti panagulaw isu a nasayaat nga itugot daytoy no agbiaheka ket amkem a maulawka iti lugan.

Newspapers in Tagalog

Newspapers from Philippines

© PressReader. All rights reserved.