Apay?

Bannawag - - Siled Ti Kararag - Ni STEVE MCINTOSH ti Florida (Naadaw iti Siled ti Kararag, Paguummongan ti Sangalubongan Tapno Agkararag, Septiembre- Oktubre 2018 a bilang. Impablaak ti Discipleship Resources-Philippines. Sarungkaran ti http://discipleshipresourcesphilippines.com wenno

Basaentayo ti Job 42:1-5

Imbagam a dumngegak bayat ti inka panagsao, ket padasek a sungbatan dagiti saludsodmo.—Job 42:4

ITI maysa a narikut unay a tiempo iti biagko, mariingak iti tengnga ti rabii ket saanakon a makaturog. Nadagsen ti riknak, ket ti la adda a mapampanunotko a mangpadagsen pay iti barukongko. Gapu itoy, saanak a mainanaan.

Iti maysa nga agsapa a nakaiddaak nga agpampanunot no apay a napasamak manen kaniak ti kastoy, nalagipko nga iti napalabas, dinawatko a tulongannak koma ti Dios tapno makaturogak. Ngem iti daydi a kanito, nasaludsodko iti Dios, “Apay?” Kasla saan a saludsod ti panangyebkasko no di ket reklamo. Ket iti kinaulimek ti aglawlaw, kasla sinungbatannak ti Dios babaen met laeng ti saludsod. “Asino ti dumngeg kenka? Asino ti tumulong kenka? Asino ti mangpaimbag kenka?” Naipalagip kaniak a ti Dios kanayon a sidedengngeg kaniak; ti Dios kanayon a tultulongannak; ti Dios isut’ mangpapaimbag kaniak.

Mamin-ano a saludsodentayo iti Dios no apay nga awan sungbat dagiti karkaragtayo? Iti panagkunak, napadasantayo amin ti kas ken ni Job. No mabigbigtayo a dagiti panagsagaba iturongnatayo iti naun-uneg a pannakaammo iti Dios, mabalintayo ti agtalinaed ken agtalek iti Dios uray iti tengnga ti nakaro a panagsagaba. Kararag: Apo Dios, tulongannakami kadi, kas ken ni Job, nga agtultuloy nga agkammatalek kenka. Amen. Kapanunotan: Kasano a masalimetmetak ti pammatik iti Dios kadagiti narikut a panawen? Ikararagan: Dagiti di makaturog gapu iti insomnia.

Newspapers in Tagalog

Newspapers from Philippines

© PressReader. All rights reserved.