Kudeta (28) Norberto D. Bumanglag, Jr.

Saan a nailinged ken ni John ti ilulusiaw ni Gloria...

Ti Napalabas: Pinanggep da Edgar a butbutngen ni John ngem pinarmek ni John dagitoy. Kayat ni John nga ikkan iti pagnakmanna ni Edgar. Sinerrekna iti kuarto daytoy iti hotel. Nadiskarkulona ti kabaelan ni Edgar ket naisagmak koma no saan a dimteng da Daniel. Nabuya ni Loida ti naiparang a ladawan dagiti nangbomba iti Luneta ket nagapada ken Daniel. Pinagpanaw ni Loida ni Daniel. Napan sinabat ni John ni Gloria Sarandi iti LIA. Intarusna iti hotel. Nadlawna a gargarien ni Gloria isu a bimmaba ket kinasaritana da Daniel ken Jerky. Impudno dagiti dua nga isuda ti nangbomba iti Luneta. Dida ammo, addan nangkidnap ken ni Gloria. Innalada ni John iti kuerpo ti polisia ket inimbestigarda. Insardengda laeng idi dumteng ni Rommel. Inawagan dagiti nangkidnap ken ni Gloria. Dumawdawatda iti sangapulo a milion a pisos a ransom. Impakammona daytoy ken ni Mr. Bosworth ket imbilin daytoy ti panangiruarna iti pangsakana ken ni Gloria iti pundo ti CIA. Kabayatanna, napatayen da Edgar ni Eddie Quirino ken dimmanonen daytoy iti Presidente ket kayat ni Pat nga ibabawina ti ipapanna iti Ilokos. Napan sinabat ni John ni Ricky Ramirez iti LIA. Sinurot ida ni Craig Stewart, maysa kadagiti kameng ti CIA nga agpangpanggep a mangpatay iti Presidente. Napan da John iti banko tapno mangiruarda iti kuarta ngem agkedked ti manedier a mangted. Iti met hotel da Daniel ken Jerky, pinanggep ida a serken dagiti armado a lallaki.

(Maika-28 a Paset)

NAGRASAW manen ni General Miguel. Nagsasaruno. Uray la a mangur-urat ti tengngedna iti pungtotna. “Duada laeng sa innemkayo ngem diyo ida kabaelan?” imbugkawna. Nakatadtadem dagiti matana a kasla ketdin makitkita ni Edgar a kasarsaritana iti selpon.

“Sir, naipasulimi idan itayen ngem immarayat ni John Villa,” inkalintegan ni Edgar. “Adda pay ketdi kaduana.”

“Kanayon laengen a dayta a John Villa ti rason a saankayo nga agballigi? Ania a klase ti tao dayta a John Villa, superman?” “Sir, imbilinyo a saanmi a sagiden...” Ad-addan ti suron ti heneral. “Uray no papatayennakayon, saanyo latta a sagiden?” “Ngem impagpaganetgetyo a saanmi a dangran.” Umanangsaben lakay iti pungtotna. “Nengneng! Usaren met, a, ti utekmo! Awan serserbiyo!” Saan a nakatimek ni Edgar. “No nasken nga ipakniyo tapno mapapatayyo da Daniel ken Jerky, aramidenyo... maawatam?” Immanges iti nauneg ni Edgar. “Aramidenmi, sir...” “Iti kabiitan a panawen! Laglalagipenyo nga inton bigaten ti isasangpet ti Presidente dita Ilokos. Nakataya ti amin a planotayo iti dayta a lugar... isu nga agtignaytayo a kasla awanen ti bigat. Masapul nga agballigitayo a mangisikat iti Presidente.” “Ti CIA, sir, addada kadin ditoy?” “Nakapagwarasdan. Naimapada pay ketdin ti sibubukel a siudad ti Laoag, kangrunaan ti kapitolio. Na-infiltrate metten dagiti kakaduatayo a soldado ken polis ti seguridad ti aglawlaw ti kapitolio.” “Nasayaat man ngarud no kasta, sir...” “Tumulong laeng ti kayatko nga akemyo... ken ti mangipakni kada Daniel ken Jerky. Agingga a sibibiagda, uray kukuatayton ti bileg iti pagilian, addanto pay laeng pangta kadatayo. No agkamangda iti media ket ipulongda a siak ti nangibilin kadagiti nagsasaruno a pammapatay, nalpastayon.” “Sapulenmi a dagus ida, sir.” “Diak kayat nga agkibaltang daytoy a plano, nalawag?” “Yes, sir... Ken siwawayawayakamin a mamagulimek ken ni John Villa.”

“Wen. No maammuanto ti US Ambassador, ilawlawagkonto a collateral casualty. Diak kayat nga adda sawsawirtayo, maawatam?”

“Yes, sir!”

NAKAUL-ULIMEK ni John a nakatugaw ngem di makatalna dagiti matana a mangpalpaliiw iti aglawlaw ken iti ruar ti McDonald’s. Nagorder iti burger ken soda ngem dina pay kinuti. Padpadaananna ni Gloria a nalabit palusotandan iti uray ania a kanito. Sangkataldiapna met dagiti dua a selpon iti lamisaan. Namnamaenna nga umawag dagiti kidnaper ket ibagada no yan ni Gloria. Ngem dandanin tallopulo a minuto nga agur-uray, di pay naguni dagiti selpon. Alusiisenen. Ken mangrugin a marurod. Naallilaw ngata? Pampanunotenna nga innalada ti kuarta sa saanda a ruk-atan ni Gloria. Nakemkemna dagiti sangina. Pangtuntonanna ita ken ni Gloria? Nasaysayaat koma no saan a basta nagtaltalek lattan iti kidnaper. Impapilitna koma nga aginnawatda.

“Shit...” nayesngawna. Nalabit a naipigsana ta timmaliaw pay kenkuana dagiti mangmangan iti asidegna. Immisem sa nagpadispensar.

Pagammuan la ta nagkiriring ti iPhone-na. “Hello,” kinunana.

“Something is wrong.” Ni Ricky.

“Sinurotmi ti nangala iti kuarta. Simrek iti maysa a dakkel a warehouse... iti asideg ti karayan. Nakaad-adu a tao iti uneg. Nagtagiarmasda. Nabibileg dagiti igamda: M-16 kada M4.” “Soldiers or PNP maybe?” “Diak patien a kasta. Mabalin a kadua ida dagiti nangkidnap ken ni Miss Sarandi, John... Awan met ti ob-obrada. Kasla agpalpalabesda laeng ‘ti oras... Agaayam iti innipis dagiti dadduma. Agiinum dagiti dadduma.” “Take pictures.” “Isu ti ar-aramiden ni Daniel.”

“Saan ngata a pasetda iti grupo dagiti mangkudeta iti Presidente?”

“Mabalin a kasta. No saan, isuda ti napusgan a mangpatay iti Presidente...” “Saan. Terorista dagita. Tao ida ni Anwar Kalifa.” “Asino ti Anwar Kalifa?” magagaran a kinuna ni Ricky. “Maysa a nangato ti takemna a kameng ti Abu Sayyaf.” “Ania ti kaaddana ditoy?” “Adda ngata akemna iti kudeta? Ken asino dagiti kakomplotda? Ad-adda a nagbalin a komplikado daytoy...” Nagulimek ni John. “Darupenmi kadi idan?” “Saan. Awan pay ni Miss Sarandi.” Nagdayamudom ni Ricky. “Linokodaka...” “Kasla kasta. Ngem agtutorka. Agpaliiwtayo pay. Ammuentayo no ania ti pakainaiganda iti kudeta.”

“No ania ti kunam, isu ti aramidentayo. Ngem apay no ipakaammotayo laengen kadagiti pannakabagi ti linteg tapno isundan ti makaammo.”

“Ket asino ngata ti mamati kadatayo? Ken saantayo nga ammo no asino ti matalek ita. Amangan no kakomplotda ti mapatangantayo a pagpatulongan.”

ALA unan iti parbangon ngem mermerradan pay laeng dagiti manggapun nga agarrap a mata ni Deputy Bosworth ti monitor ti desktop-na. Pasaray met lukipenna ti folder nga iggemna. Masmasdaaw iti linaon daytoy a folder.

Napateg unay nga intel daytoy isu a nasken a a kasaritana ni John. Agpeggad ti biagna. Pinidutna ti selponna ket indayalna ti numero ni John.

Simmungbat a dagus ni John. “I’m glad you called, sir. I was gonna call you.” “Sige, umunaka nga agipadamag,” kinuna ti lakay. “Ania ti problema?”

“How deep do you know about this coup d’etat in the Philippines, sir?”

“Apay a masaludsodmo dayta? Naibagakon kenka ti ammok. CIA and a group of generals and their soldiers are involved.” “Are you trying to hide something, sir?” “No. I told you the extent of my knowledge about the operation.” “And the Abu Sayyaf, are they involved?” “That is the reason I called you.” “I’m listening, sir.” “There was an intercepted communication between General Miguel and the leadership of Abu Sayyaf in the island of Jolo, their base of operations.” Naparasaw ni John. “Apay?” sinaludsod ni Deputy Bosworth. “Sorry, sir, but we just discovered the presence of a lot of Abu Sayyaf personnel in Laoag City.”

“The place where they initiate to kill the president or arrest him at least...” “So this is bigger than we expected then, sir?” “Definitely...” “And the CIA black ops, are they aware of that partnership between the General and the Abu Sayyaf, sir?”

“I’m not sure. Unless they didn’t want to know or they didn’t care.”

“Do we even know what the deal between the general and the Abu Sayyaf?”

“Yes. If they succeed, and the General becomes the de facto president of the country, he will grant an executive order granting Abu Sayyaf autonomous power in that part of the island. That means they will be free to operate on their own just like their own government without the inteference of the Philippine government...”

“It’s like contract with the devil... How about the MILF and MNLF? Are they part of this deal to?” “Not that I know of...” Immanges iti nauneg ni John. “Now, this becomes a priority mission, John... We can’t let this happen. We have to stop that coup attempt.”

Immanges manen ni John iti nauneg. “Kasla imposible, sir, no dimo ited ti masapulmi.” “Ania, aya, dayta a masapulmo?” “Satellite support, sir.” “Kasla kayatmo nga agsalamangkaak... Laglagipem nga agopoperasiontayo saan nga iti salinong ti CIA wenno ti gobierno. Bukodtayo daytoy a garaw.”

“I need guns, powerful guns, ammos, grenades, bombs... all kinds...”

“Dayta ti kabaelak nga ited.”

“Kasano, sir?” “Adda am-ammok nga aggipuspuslit iti armas dita. Maysa a naturay a Chinese national. Maitedna ti ania man a kasapulam.”

“You got people like that here too, sir?” masmasdaaw ni John. “You be surprised, John... There are so many whom we call the ‘merchants of death’ whose primary merchandise are weapons, ammos and other explosives around the globe.”

“Ket saantayo man laeng a makita wenno padasen a pengdan ida uray no terorista dagiti kustomerda?”

“Because, sometimes, we need them in an emergency situations like this. Without them, we can’t function effectively. But don’t worry, I’ll get a hold of him. Provide him your phone number and he’ll be in touch with you ASAP. Anything else you need?” “Immunity...” “What? What the heck are you talking about?” “You heard me, sir... I want immunity from prosecution— that’s including Ricky Ramirez— if we have to kill CIA black ops operatives.”

“Kaano pay a kasapulam ti immunity, John? Mano kadin a CIA ti sinentensiaan ken pinataymo? Agtigtignaytayo iti nagan ti linteg isu a dimo pakadanagan dayta. Malaksid no...” binitin ti lakay ti sawenna koma. “Malaksid no ania, sir?” “No maammuan ti nalimed nga organisasion, palikidardatayo amin...” Sa sakbay a nakapagsao ni John, innayonna: “Aganannadka ken siguraduem a saan nga agballigi dayta a kudeta. Maturogak metten...” “Mabaiit laeng, sir... Adda la koma maysa a kiddawko.” “Ania dayta?” “Adda dua a Filipino a kaduami... I mean, Filipino a kas kaniak. Dati a hitman ni Gen. Miguel ida ngem nagkibaltangda iti maysa a misionda. Paan-anup ti heneral ida. Sisasaganada a tumulong kaniak ket kas pagyamanko, inkarik a nalakanto laengen ti yuumayda iti Amerika no makalasat ken agballigikami iti misionmi.” “Kasano ti pamay-am? Trabaho ti State Department dayta!” “Ammok a maaramidmo dayta, sir... Place them under the Witness Protection program...” “They are not US citizens, John...” “I know... but we can always smuggle them out of the country. Give them a fake identities and passports...” Immanges iti nauneg ti lakay sa immannugot met laeng. “Five people...” kinuna ni John. “Kunak man no duada laeng?” “Ditay’ mabalin nga ibati dagiti dua nga annak ken ti asawa ti maysa kadakuada, sir...” “Lumukluknengen ti pusom, John...” “Because we are still a decent and loving country, sir. And we are willing to provide refugee status to anyone who help us defeat terrorism. Sometimes we just have to look the other way around. Besides, they are my countryman! I may now be an American citizen but heart also beats for the Philippines.”

“Diak ammo no apay nga umannugotak kadagiti adu nga ilegal nga ammom agraman ti allegiance-mo iti Filipinas,” insanamtek ti deputy.

Nagkatawa ni John. “Sika met laeng ti nangsursuro kaniak,