Bannawag

Nakadakdak­kel a Pagbaludan ti Lubong Fernando B. Sanchez

- --FERNANDO B. SANCHEZ

Nakadakdak­kel a pagbaludan ti lubong: Adda amin rehas, dadakkel, babassit, Ti angin, ti danum, ti apuy, ti daga Ti amin a makitak, ti amin a diak makita, Uray ti isasangpet, uray ti ipapanaw. Adda kawar dagiti sakak, dagiti imak Diak makita ti ruangan A maiburuang inton maadasanak Iti dara, iti anges, iti pammati, iti inanama Pulos. Pulos… Tunggal dumteng a sardam, paspasunga­dek Ti agsapa a mangsaka iti libtaw ti agdamak Tapno maitarayak dagiti anniniwan Ket magun-odko ti tagisapulk­o a wayawaya? Mapaayak laeng nga agsapul Iti kanitok, a kanitok laeng. Ken mangaramid iti pagayatak, a pagayatak laeng. Sibabalud ti espiritu ken lasagko Iti bartolina dagiti pinutarko A lubong ken paraiso… Sapsapulek ti Dios, sapsapulek ti Diablo Maidasayak a mangtunton iti timek Ti pusok. Ti kararuak… Baludnakto laeng ti kalgaw, ti nepnep A pagsampaga­an ti kinataok, nga agallaalla, Mayalloall­on iti taaw a kawar ti agnanayon.

Newspapers in Tagalog

Newspapers from Philippines