Bannawag

Partaan Leonardo Tejano

- --LEONARDO TEJANO

surotem koma ti lawag ti kandela, am-amlingam ti apuy, yarasaasmo kaniak

amin a napasamak iti idadateng ti sardam, rehimen ti baro a messiah, idi nakitadaka, lamolamo iti pakaibabai­nan

surotem koma ti lawag ti kandela, am-amlingam ti apuy, yarasaasmo kaniak

no asino ti nangimula iti bala iti bagim, a nanggamsaw met iti kinaulimek, namnama, darepdep

surotem koma ti lawag ti kandela, am-amlingam ti apuy, yarasaasmo kaniak

no adda panangtung­pal kalpasan ti maikatlo agingga iti maikanem a kabus tapno mapuorakon ti anglem, sukal ti di matungpal a kari

surotem koma ti lawag ti kandela, am-amlingam ti apuy, yarasaasmo kaniak

no nagturonga­n ti nadangkok a turay kasta met ti turongen dagiti mannurot a bulsek ta pumukanako­n iti kayo a sungrod ti temtem

surotem koma ti lawag ti kandela, am-amlingam ti apuy, yarasaasmo kaniak

no adda pagpatingg­aan amin a sagursor tapno makaipuora­kon iti arutang ken maisaganak­on ti basi a paggulgolk­o para iti panagungar­mo

surotem koma ti lawag ti kandela, am-amlingam ti apuy, yarasaasmo kaniak.

Newspapers in Tagalog

Newspapers from Philippines