Gapu iti Putotna, Nagbalin a Mannaniw ni Lloydie, ‘Bagis!
INAKO met laengen ni John Lloyd Cruz, ‘bagis, a pudno nga addan anakda ken Ellen Adarna.
Elias ti naganna. Kinapudnona, impakaammona daytoy babaen ti maysa a daniw.
Ania ti makunam iti daniwna, ‘Bagis AST? (Mabalinna nga idatag iti Liwayway, ‘Bagis Eloy.—AST)
* * * Iti maysa nga online a panagbobotos, nangabak ni Alden Richard a kaseksian a lalaki iti Filipinas, ‘bagis.
Inatiwna da James Reid, Daniel Padilla, Enrique Gil, ken dadduma pay.
Agasem that? * * * Ngem adda met lokloko ti dadduma, ‘bagis. OK laeng kano a ni Alden ti ‘kaseksian.’ No kaguapuan, sabali kano metten a patangan. Ulk.
* * * Awan sarday ti panagpa-sweet daytoy Matteo Guidicelli iti nobiana a ni Sarah Geronimo.
Kuna ni Matteo a gapu ken ni Sarah, uray la agsardeng ti panagtayyek ti lubongna.
Pow.
* * * Mapagsasaritaan ti akting ni Bea Alonzo iti “First Love” a pelikulada ken Aga Muhlach.
Mabalin kano a ‘pang-grand slam.’ Kayatna a sawen, kuykoyen ni Bea dagiti premio manipud kadagiti nadumaduma nga awardgiving bodies. Ala, para makita man ngarud.
* * * Iti biangko, ‘bagis, talaga nga umakaren ni Regine VelasquezAlcasid iti ABS-CBN.
Apay?
Nagrambaken ni Jaya a maysa kadagiti besprenna.—O
(Chairman ni Kabagis Eloy iti Hunta Direktiba ti FAMAS ken host-producer ti Celebrity Hour media forum.—AST)