Dua a Tweetniw ti Ayat a Nailanglangi Roy V. Aragon

1 sumged pay met laeng ti aron iti barukong dumges nga essem di rumukma di mapasag

sumken kas nanglipat a lagip sumnek kas din makakunail a kari

rumsua kas mailiblibak nga iliw

rumkuas kas nailaksid a pammati

ayat di maumag di agpalta

kas kenkuana.

2 sumro a kintayeg kas barukong a damo a nakasursuro nga agrikab adda pay met la raas a paapiras

dimo koma ngamin met tagtagibassiten ti rugso a nairurumen

sumgiab ngem dika agbuteng dinaka puoran dinakan siniten

nagum-umaam dimon apalan ti dimo nasursuro nga ayat.

--ROY V. ARAGON