Ti Gasatmo Ita a Lawas
L IBRA (Septiembre 23- Oktubre 22). Manamnama a naimbag ti ibunga dagiti pangngeddeng gapu ta naskedan dagitoy sakbay nga inyetnagmo. Kasta met a manamnama a dumtengen ti parabur a nabayagen a pinalpaluommo. Suerte iti panguartaan a mausarmo ti talentom. talentom Nagasat a numero: 1, 4, 9.
S CORPIO (Oktubre 23- Nobiembre 22). Nakasirsirnaat ti lawag ni Apo Init para kenka. Agsasarutsot a dumteng dagiti pammadayaw ken panagraem. Agtalinaed ketdi a napakumbaba tapno saan a malmes ket masayang ti nagrigrigatan. Nagasat a numero: 3, 5, 8.
S AGITTARIUS (Nobiembre 23- Disiembre 20). Kablaaw iti manamnama a pannakagun-odmo iti naisangsangayan a balligi iti trabaho wenno karera. Maikagagumaanam met a maipaayan iti panawen ni patpatgen ket agtultuloy ti kinamaris ti ayan-ayat. Nagasat a numero: 2, 6, 7.
C APRICORN (Disiembre 21- Enero 19). Gapu iti kinamanagpabus-oymo, mabalin a maitudoka a nagkamtud gapu iti di pannakabael ti sabali a kontrolen ti bagbagida. Ikagumaanan a mailawlawagmo a nasayaat ti sasaadem. Nagasat a numero: 1, 5, 8.
A QUARIUS (Enero 20- Pebrero 19). Saan a namnamaen ti isasangbay ti nalabon a grasia. Pagtalinaeden ketdi ti kinamanagsalimetmet a rason a saankayo unay a mataktakadan iti daytoy tiempo ti panagpasirut iti barikes. Nagasat a numero: 3, 4, 9.
P ISCES (Pebrero 20- Marso 20). Naunday ken narikut metten ti naglasatam gapu iti sakit nga impalay ti maysa a nasinged a tao. Panawenen ti yaaddang. Ken panangiwaras iti panagkita; iti kasta, maduktalan dagiti nagadu a grasia iti aglawlaw. Nagasat a numero: 2, 6, 8.
A RIES (Marso 21- Abril 20). Masapul ti panangplano a nasayaat kadagiti aramiden ken papanan itoy a lawas— nangruna no kayatmo a liklikan ti pettat a pannakasagangmo kadagiti ibilangmo a negatibo a tattao. Nupay kasta, laglagipen nga awan kas karagsakna ti tao a nakasagana a sumango iti uray asino. Nagasat a numero: 1, 4, 7.
T AURUS (Abril 21- Mayo 20). Maklaatka iti kellaat a kinaimbag dagiti adda iti aglawlawmo. Tungdayem koma ita ti panagduadua. Amangna ketdi no napudnoda met, gundawayan a mangirusat iti gannuat a pagnaaran ti kaaduan. Nagasat a numero: 3, 6, 9.
G EMINI (Mayo 21- Hunio 20). Mangipaay iti umdas a tiempo tapno mataripato ti salun-at. Kunada ngarud a sanikua ti salun-at. Maisikim pay nga asaen ti talentom a mabalin a pagnaaran. Agaruar iti adda marisna a nalabaga tapno ad-adda a maallukoy ti suerte nga umasideg kenka. Nagasat a numero: 1, 5, 7.
C ANCER (Hunio 21- Hulio 20). Marisut laeng ti panagparikutmo ti panagpakuttongmo aklonem nga iti daytoy a biag, amin a sobra ket dakes. Laglagipen a saan a naragsak ken di mapmapnek ti tao a dina ammo ti kaipapanan ti husto wenno umisu. Nagasat a numero: 3, 4, 8.
L EO (Hulio 21- Agosto 20). Makarikna ti kinatalged no ituon ti imatang kadagiti kasapulan, saan ketdi no ania ti kayat. Makarikna met ti pannakapnek no ad-adda pay nga ituon ti imatang kadagiti bambanag ken tattao a patpatgen. Nagasat a numero: 2, 6, 9.
V IRGO (Agosto 21- Septiembre 22). Marisut laeng ti maysa a parikut no rugian ti agtignay, uray man ketdi no saggabassit laeng. Nasken a saan a mapukaw iti imatangmo ti bituen a nagbalinen a bagnosmo kadagiti kayatmo nga aramiden. Nagasat a numero: 1, 5, 7.