Showbiz
SAAN a malmalpaag ti damag nga adda nalimed a relasion da Yassi Pressman k ken Coco Martin nga ag agkapareha iti “FPJ’s Ang Probinsyano.” Kina Kinapudnona, damag pay a ni Yassi ti makaigapu ti p panagsinan da Coco ken Julia Montes nga aw awan met ti opisial a pa panangakoda nga isuda.
Iti ketdi pannakayalnag ti p pelikula a “Para Sa Mga Mg Broken Hearted” a pa pakairamanan ni Yassi, ki kinatawaanna laeng ketdi daytoy nga isyu. Kunana a dina mapabasol dagiti tattao ta talaga met a managasikaso ni Coco kadagiti kakaduana iti pelikula. Dina ketdi inako nga adda relasionda nupay kunana a nadekketda nga agpagayam. Innayonna a dina ammo a nagimon kenkuana ni Julia ken awan ti rebbengna a pagimonan daytoy ta awan met a talaga ti relasionda ken Coco.
Maipapan iti broken heart ken panag-move on, kuna ni Yassi a narigatan iti panagsinada ken Sef Cadayona. Nasursurona ketdi a no nasakit ti nakemmo, saan a yaleng-aleng daytoy, nupay masapul nga iruarmo tapno iti kasta, nalaklaka a makaaddangka a mapan iti panag-move on.
Iti nadakamat a pelikula, ni Sam Concepcion ti kaparehana, ket ni met Louise de los Reyes ti kainnagawna.
Iti pannakasursurat daytoy, saan pay a showing ti pelikula ngem maragsakan ni Yassi ta adu ti ‘views’ ti trailer ti pelikula a nakapaskil iti social media iti internet.
Impasigurado met ni Yassi a saan nga agbabawi dagiti mapan agbuya ta malaksid a makalinglingay daytoy, makapnek pay ta maipapan daytoy kadagiti nadumaduma a kita ti relasion a pagdaldalanan dagiti agtutubo iti agdama.—O