Bannawag

Ti Tarakenmo ken Sika

- Ni FRANCISCO S. ANTONIO

NO natakuatan ti beterinari­o a saan a sakit wenno an-annayen ti makaigapu iti saan a pannangan ti taraken a pusa, kayatna ngarud a sawen a mabalin a nakusim laeng daytoy.

No kastoy ti matakuatan, padasen nga allukoyen ti pusa a mangan a kas iti panagarama­t iti baro a brand wenno pormula ti pagpakan.

No met dadduma, mauma ti pusa a mangmangan iti isu met laeng nga isu a taraon. Mabalin wenno adda dagiti ramen a saan a pagaayat ti pusa.

No kayat a sukatan ti taraon nga idasar iti taraken a pusa, laglagipen nga in-inuten a sukatan uray iti uneg laeng ti maysa a lawas tapno mailiklik iti panagsakit ti tianna.

Nayonan pay ti ipakan iti nababasa wenno mangiparab­aw iti taraon a mangalluko­y iti pusa a mangan.

Padasen a patedtedan ti idasar a taraon iti digo ti manok tapno ad-adda a lumukneng ken nalaklaka a kanen ti ayup. Mabalin pay a nayonan kadagiti sabsabali a taraon a mangalluko­y iti pusa a mangan.

Padasen pay nga ipapudot ti ipakan iti pusa. Kadawyan a nalamiis ti nabasa a taraon a maidasar iti pusa aglalo no naidulin iti repriherad­ora. Ad-adda pay a makaawis ti angot ti naipapudot a taraon ti ayup. Adda pay dagiti pusa nga agpili iti pangananda a malukong. Mabalin a dida kayat ti nauneg a malukong ta masinga ti barbasda no manganda.

Ngem uray no nakaisayan­gkaten kadagiti nagduduma a pamuspusan ngem di pay la mangan ti taraken a pusa, padasen nga idasar wenno ibati laeng ti taraon iti uneg ti 30 a minuto. Agaramid iti iskediul ti pannangann­a imbes a baybay-an lattan a mangan no kaykayatna. No kastoy ti aramiden, inkapilita­n a a mangan ti pusa ta awan metten ti kanenna no kayatna ta naidulin metten.

Malaksid kadagiti nagduduma a pangguyugo­y iti taraken a pusa a mangan, adu pay dagiti nagduduma komersial a taraon a mabalin nga ipasango a pangalluko­y iti daytoy a mangan.—O

 ??  ??

Newspapers in Tagalog

Newspapers from Philippines