Daniw a Para Ubbing

Kampuso

Bannawag - - Itoy A Bilang - Eddy A. Almodovar

Adda ay-ayamko a sinampuso

Naaramid iti natangken a kayo

Nalagda a tali ti pangputipotko

Agtayyek no kasta nga ibarsakko.

No nakaanin iti pagay ni apongko

Panawen metten ti panagkakampuso

Agay-ayamak laeng kalpasan ti trabaho

Tapno matulongak dagiti dadakkelko.

Tunggal dumteng ti kastoy a tiempo

Masansan a kaduak dagiti gagayyemko

Agpaindurogkami ti kampuso

Iti arubayanmi a sementado.

Naidumduma daytoy kampusok

No agtayyek, dagiti manok agtaraok

Kalding agimmik, baboy agganukgok

Daga ti agginggined, langit pay aggaradugod!

Newspapers in Tagalog

Newspapers from Philippines

© PressReader. All rights reserved.