Nagsinnubliananen da Angelica ken Carlo?
N AG-TWEET itay nabiit ni Ria Atayde maipapan iti panag-date— a no la ketdi agpada a single dagitoy, nawayada nga ag-date, agpapan pay saan a kursonada dagiti fans dagitoy ta mabalin nga adda sabali a kayatda a para kadagiti dua a maseknan.
Saan a naginagan ni Ria ngem adu ti mangipapan a maipapan daytoy kada Arjo Atayde a kabsatna ken Maine Mendoza.
Idi napagsaludsodan ni Ria no addan relasion da Arjo ken Maine, kuna ni Ria a dina ammo ngem ti ammona, masansan nga ag-date dagitoy.
Karaman da Maine ken Arjo iti pelikula a “Jack Em Popoy: Da Pulis Incredibles” a pagbidaan da Coco Martin ken Vic Sotto ken entry iti 2018 Metro Manila Film Festival.
Kabayatanna, kuna ni Ria nga awan ti kade-date-na ita ken makumikom iti teyping ti teleserye a “Halik” a pagbidaan da Jericho Rosales, Sam Milby, Yam Concepcion, ken Yen Santos.
* * * Iti pannakasursurat daytoy, maysa a bulan laengen ti “PlayHouse” manipud pannakaipabuyana idi Septiembre 17.
Agyaman dagiti cast a pakairamanan da Zanjoe Marudo, Kisses Delavin, Donny Pangilinan, AC Bonifacio ken Angelica Panganiban iti kanayon a nangato a reyting daytoy.
Adu ti magagaran ta sumreken iti istoria da Isabelle Daza ken Carlo Aquino a sigud a nobio ni Angelica. Malaksid nga adda hangover dagitoy iti hit a pelikula da Angelica ken Carlo nga “Exes Baggage,” adu ti mangipagarup a nagsinnubliananen dagitoy. Pammaneknek ti impaskil ni Angelica iti Instagram a nakabasbassit a ladawan a mabalin nga iturong a sinaklot isuna ni Carlo.—O