Saludsodem ken ni Apo Hues

SALUDSOD:

Bannawag - - Itoy A Bilang - Ni RTC Judge JOVEN F. COSTALES (Ret.)

Iti maysa nga aldaw, nakigtotak ta ti maysa a daniw a pinutarko, naipablaak metten iti maysa a pagbasaan (saan a ti Bannawag). Ti laeng paulona ti nasuktan. Nasayaat koma no nailanad a siak ti nangsurat ngem saan met. Intedko idi daytoy a daniw iti maysa nga am-ammok tapno kitaenna no napintas met laeng. Idi kuan, naliplipatakon ta dina met insubli a dagus. Ti inaramidko, napanak iti lugar daytoy nga am-ammok ngem diak nadanon. Adda kano iti Manila ket dida ammo no kaano nga agsubli.

Ita, Apo Hues, ania daytoy a kita ti panaglabsing iti linteg? Pinagparangna metten a putarna ti putarko a nabayag a sinursuratko.—Sergio ti Ilokos

SUNGBAT:

No ti maysa a tao ket kopiaen wenno tuladenna ti pirma ti sabali a tao, forgery dayta. No tuladenna ti produkto ti maysa a negosiante, imitasion met dayta. Dagitay nangina a pantalon, bag, kdp. agaramidda ti kalanglangana sa ibagada nga orihinal tapno mailakoda iti nangina. Adda dusa daytoy a pannakaibalud ken pannakamulta iti dakkel. Ti rupa ti tao mabalinda payen a tuladen babaen ti operasion wenno surgery.

Maipanggep iti inyumanmo, adda malagipko a maysa a pasamak a kas iti napasamakmo. Maysa a mannurat ti nangipatarus iti Ilokano iti maysa a sinurat iti Ingles sa insalipna iti Salip iti Sarita nga imatmatonan idi ti Bannawag. Inyalat daytoy a sarita (“Dayaw” ti paulona) ti Umuna a Gunggona. Natakuatan kalpasanna ti inaramid daytoy a mannurat a panagtulad ket naparitanen nga agsurat iti

Bannawag.

Ti panagkopia iti trabaho iti literatura, maysa a basol daytoy. Plagiarismo. Mabalinmo nga idarum iti kaso kriminal ken sibil. Kriminal ta iparit ti linteg ti kasta nga aramid. Sibil ta tinakawna ti pammadayaw a mapan koma kenka.—O

Newspapers in Tagalog

Newspapers from Philippines

© PressReader. All rights reserved.