2 Soneto

Bannawag - - Itoy A Bilang - Honor Blanco Cabie

1.

iti napalpalabas a tawen nagpulpuligosak rabrabii sanguanan ti napuskol a pangen, panagaskawko addaan kari. tunggal orkestra* ta saggaysa ‘tay nailatang oras a tokar— ay! dua nga agpada addaan pangmurmuray, ‘tay agsalsala a mangliwliwa. natayagda nga appo’t lakkon adan ken eva, ‘diay ling-ida mangriing, panaggunayda ta mangyaw-awan, bibig nga agungap maidekket pingping. ngem no isuda ‘tay mangyaw-awan, atanudko, natudio ‘toy dapan. *elena j. abuan orchestra (urdaneta) ken don podring orchestra (basista) iti maysa a rabii; dadduma elena j. abuan orchestra ken harmony orchestra (basista)— ili dagitoy ti pangasinan.

2.

adda rimat badbado dagitay pudno napusgan nga aribai,* ikkanda ‘ti sileng ti rabii, adda iruknoyda a murmuray. iti saludsod ken sungbat inda iti nabaybayag prinakpraktis adda latta maregreg ti pispis, dadduma ta maulaw karkarma. pannakayawat ‘diay koronada riknada met daytay maitagtag-ay, ay! nakaad-adu ‘tay sipsipat ta kadakuada ‘tay mangliwliwa. adalem rabii ‘tay murmuray kadagiti matada ‘tay sigkat. *isu dagitoy dagitay naisangsangayan lasbang nga i-moncada tunggal piesta iti bulan ti pebrero.

Newspapers in Tagalog

Newspapers from Philippines

© PressReader. All rights reserved.