Idi Un-unana a Panawen

Bannawag - - Itoy A Bilang - Ni SOLOMON V. GERNACIO

IDI un-unana a panawen, adda maysa nga ari nga agdaldaliasat iti nalawa a desierto, kaduana dagiti soldadona. Naibusdan ti balonda a danum ket napalalo a wawda.

Iti di nagbayag, adda nasabatda a grupo dagiti nakakamelio a komersiante. Iti pannakakita dagitoy iti ari, ken kas pagraemda kenkuana, indiayada kenkuana ti danum a balonda nga adda iti lalat ti karnero a paginumanda. Inawat ti ari ti paginuman, ngem idi itangadna koman daytoy, nakarikna iti panagbabawi ket kinunana, “No uminumak, nasken met nga uminum dagiti soldadok. Ket gapu iti kaadumi, ammok a saan nga umanay daytoy. Dakayo met, ammok nga adayo pay ti papananyo, ket awan no kuan ti abastoyo a danum. Isu a saanakon nga uminum.” Ket insublina ti paginuman kadagiti komersiante.

Iti nangngegda, nagiiriag dagiti soldado iti panangdayawda iti inaramid ti arida. Ket kinunada a kabaelanda ti agdaliasat iti nalawa a desierto a kaduada ti patpatgenda nga ari.—O

Newspapers in Tagalog

Newspapers from Philippines

© PressReader. All rights reserved.