Ti Gasatmo Ita a Lawas

Bannawag - - Itoy A Bilang -

SCORPIO (Oktubre 23- Nobiembre 22). Mausarmo daytoy a lawas a pangipaneknekan a kabaelam ti mangidaulo. Laglagipen ketdi a pudno ti pagsasao a ti nalaing a dadaulo, nalaing met nga idauluan wenno sumurot iti dadaulo. Suerte iti pagganaran a mainaig iti id daga ken k mulmula. l lN Nagasat a numero: 1, 4, 9.

SAGITTARIUS (Nobiembre 23- Disiembre 20). Naannayas ti panagtaray daytoy a lawas. Nupay adda dagiti panagbalbaliw, saan nga ania a narikut gapu iti laingmo a mangiwardas. Maikagumaanan met a lintegen dagiti kababalin a killo. Nagasat a numero: 3, 5, 7.

CAPRICORN (Disiembre 21- Enero 19). Madlawmo laengen a ti bagim ket addan iti tengnga ti atension. Saan ketdi a rambakan ti kakastoy a gundaway no di ket paratignay tapno ad-adda pay nga itandudo ti kinaimbag. Mabalin ketdi a rambakan iti pakabuklanna ti kinaimbag ti biag, ken ni gasat Nagasat a numero: 2, 6, 8.

AQUARIUS (Enero 20- Pebrero 19). Mapaspasangasangan ti pannakaawat iti maysa a damag a mangsuot iti kaaddan ti husto a nakemmo. Agannad iti tignay ken balikas ta mabalin nga usaren dagiti mananggunday nga igam contra kenka. Makikappengka iti kinapudno, kinaimbag, ken iti Namarsua, tapno awan ti pagbutngam. Nagasat a numero: 3, 5, 7.

PISCES (Pebrero 20- Marso 20). Aramiden ti amin tapno mapapigsa ti resistensia. Pudno a naidumduma ti gagetmo ngem ad-adu ti pukawmo no mabaybay-am ti salun-atmo, ngarud, mangilasinka iti sangkabassit a panawen para iti panaginana ken panagrelaks. Nagasat a numero: 2, 4, 9.

ARIES (Marso 21- Abril 20). Balligi iti personal a biag ti agur-uray kenka ita a lawas. Aglaplapusananka iti grasia apaman a maawatmo a ti parabur ket saan laeng a material a banag. Nagasatka ta makitam a dagus dagiti narua nga aglukat a tawa apaman nga adda ridaw a nagrikep. Nagasat a numero: 1, 6, 8.

TAURUS (Abril 21- Mayo 20). Pannnakikappia ken pannakikaykaysa ti ipangpangrunam ita a lawas. No adda man kayatmo nga aturen, maaramidmo daytoy iti wagas a produktibo kas koma panangaramid iti maysa a banag tapno agbalin a wadan dagiti kayatmo nga agbalbaliw. Nagasat a numero: 3, 4, 9.

GEMINI (Mayo 21- Hunio 20). Marugian ti lawas a napnoka iti pangngadua. Ammuen laeng dagiti kalikagum ken panggep iti daytoy a biag tapno agkalma ken agtalinaay ti lawas. Maysa a pagayam ti agbalin a tarabaymo. Asideg ita kenka ti suerte maipanggep iti maysa a panguartaan. Nagasat a numero: 2, 5, 8.

CANCER (Hunio 21- Hulio 20). Maawiska iti sasaaden ti maysa a pagayam. Pudno a nasayaat ti panggepmo ngem agannad ta amangan no agballatek kenka ti pammabasol. Ania man ti mapasamak, kankanayon a petpetan ti kinapudno ken kinaimbag. Nagasat a numero: 1, 4, 7.

LEO (Hulio 21- Agosto 20). Sakbay a pagparikutan ti maysa a banag, ammuen nga umuna no ania ti adda iti likudan wenno kagagapu daytoy. Adda dagiti babassit a maaramidan a dakkel met ti maitulongna iti sabali a tao. Nasayaat a panawen a panangirugi iti panguartaan, ken panagbiahe. Nagasat a numero: 3, 6, 8.

VIRGO (Agosto 21- Septiembre 22). Maragsakanka iti pannakisaritam iti maysa a pagayam a nabayag a dimo nakitkita. Adu dagiti oportunidad a maluktan a para kadakayo a posible laeng met nga agmata no pagtinnulonganyo nga isayangkat. Mabalin a temporario daytoy ngem mabalin met nga agbayag no isayangkatto met ti sabali. Nagasat a numero: 2, 5, 9.

LIBRA (Septiembre 23- Oktubre 22). Adda mailasinmo nga aldaw a mausarmo a para iti produktibo a gannuat. Masdaawka iti kinaproduktibom nangruna ket malukasan dagiti talentom nga ilemlemmengmo. Nasuerteka ita iti pagganaran a mausarmo dagiti adu a gagayyemmo. Nagasat a numero: 1, 4, 8.

Newspapers in Tagalog

Newspapers from Philippines

© PressReader. All rights reserved.