Pan de Amor (5)

Bannawag - - Itoy A Bilang - Cris J. Dacuycoy

Ti Napalabas: Simmangpet ni Amor iti Pakni manipud Spain ta umayna bangonen ti nalugi a panaderiada. Inawaganna ni Miggy a mangtulong kenkuana. Dati a crush-na ni Miggy ken agtrabtrabahon daytoy iti maysa a dakkel a panaderia idiay Kamuning, Quezon City. Iti panangam-amirisna iti pagpatakderanna iti panaderia, limmabas ni Martin a kinaeskuelaanda idi ken Miggy. Agkonkontrata daytoy iti mapatakder a balay. Kinasaritana daytoy nga isu ti mangbangon iti panaderia. Immanugot ni Martin ken insingasingna a panagananna iti Pan de Amor. Simmangpet met ni Miggy. Iti kabigatanna, pina-estimate ni Amor ti magastona sa napan naggatang ni Martin iti materiales. Agidisdiskargadan idi asitgan ida ni Anti Lucia. Dinamag daytoy no adda met laeng permit-da nga agpatakder. Imbaga ni Martin nga adda uray awan pay ta kunana ken Amor a nalaka laeng ti mangala ta adda pagpatulonganna. Inrugida a dagus ti nagkali. Nangngeg ni Amor nga engineer ti awagda ken ni Martin. Iti planto iti aldaw, nagdamag ken ni Martin. Naammuanna a nagbasa gayam daytoy iti engineering ken madaman nga agrebrebiu para iti board.

N(Maika-5 a Paset) ALABESEN nga ala una idi agsubli ni Martin. Kaririing met dagiti taona. Agaangawen dagiti dadduma ngem agpalpaldag pay laeng dagiti dadduma. Saanda pay a mangrugi ta kapudotna. Impakpakaasida a tapno maliklikanda ti pudot, alas siete wenno alas sais media iti bigat ti serrekda. Agplantoda iti alas onse wenno alas dies media sa mangrugida manen iti alas dos. Agretirada apaman a makompletoda ti walo nga oras— ta kasta kanon ti magmagna nga annuroten iti konstruksion ken uray iti panagpatrabaho iti talon. Walo nga oras laeng. Saanen a kas idi a manipud sumirip ti init agingga iti lumnek.

12

Newspapers in Tagalog

Newspapers from Philippines

© PressReader. All rights reserved.