Dinakto Malipatan

Bannawag - - Itoy A Bilang - Fernando B. Sanchez

Dinakto malipatan— patiem laeng A maikuyogak iti pul-oy nga aggapu Iti daya ken amianan, iti laud ken abagatan A mangapros iti kaunggam... Dinakto malipatan— kitaem laeng Ti isem ti init iti bigat ken malem Wenno ti arinaar a mangibati iti maris A mamagkiray kadagiti bituen... Dinakto malipatan— riknaem laeng Ti agek ti pannaturog ken panagriing Wenno ti parmata ken tagtagainep A mangputar iti samiweng... Dinakto malipatan— padasem laeng Nga adasen gitebgiteb ‘ta pusom A gitebgiteb ‘toy barukong A sangbayan dagiti ragutok

Dagiti dinto pumusay a lagip.

Newspapers in Tagalog

Newspapers from Philippines

© PressReader. All rights reserved.