Dagiti Pagannurotan ti 21st AMMAFLA

Bannawag - - Itoy A Bilang -

Agawaten ti Secretariat ti AMMA Foundation Literary Awards (AMMAFLA) kadagiti entry a para iti Salip iti Sarita ti Maika-21 nga AMMAFLA. Aggibus ti salip iti Enero 15, 2019.

Nairanta ti pasalip ti AMMAFLA kadagiti agdadamo a mannurat iti Ilokano a “kas pangaron iti reggetda a mangpatadem pay iti plumada.”

Kas kadagiti sarita a nangabaken iti pasalip ti AMMAFLA, mairamanto met a mailibro dagiti sarita a mangabak iti daytoy nga edision ti AMMAFLA, kas kinuna dagiti mangimaton iti AMMAFLA a da Amado ken Gloria Yoro, Francisco ken Aurora Ponce, ken Alfredo ken Cherry Quibol (agpapada nga agindegen iti Hawaii).

Inruar ti AMMAFLA ti librona a Dagiti Premiado a Sarita (1997-2014) iti kombension ti GUMIL Filipinas, ti gunglo dagiti mannurat nga Ilokano iti Filipinas ken iti ballasiw-taaw, idi 2015. Naipalaon iti nasao nga antolohia dagiti nangabak a sarita iti AMMAFLA sipud narugian ti salip idi 1997 agingga iti 2014. Dagiti pagannurotan ti maika-21 nga edision ti salip. 1. Aggibus ti salip iti Enero 15, 2019. 2. Agpaay laeng ti salip kadagiti agdadamo a mannurat iti Ilokano. Iti daytoy a salip, maibilang nga agdadamo ti mannurat no awan pay ti naipablaak a saritana iti Bannawag. No adda man, di koma nasursurok ngem tallo ti naipablaakna agingga iti Abril 23, 2018 a bilang ti nasao a magasin. 3. Siwawayawaya ti autor a mangpili iti topiko ti isalipna a sarita. 4. Agatiddog ti sarita iti 10-15 a panid iti short bond paper, naimakinilia, wenno saan, naikompiuter iti doble espasio (Times Roman Medium 12 pts. iti computer), ken adda espasio wenno margin a maysa a pulgada iti amin nga igid ti papel. 5. Maysa laeng a sarita ti mabalin nga isalip ti tunggal autor. 6. Nasken nga orihinal, di pay naipablaak wenno naadaw iti ania man a sinurat ti isalip. Nasken met a saan a naipatarus ti pakisalip manipud iti sabali a lengguahe ken nasken a bukod a putar ti autor ti pakisalipna. Saan met a maawat ti sarita a naisalip idin iti AMMAFLA wenno iti sabsabali pay a salip iti panagsurat iti sarita ken ti sarita a naidatag pay a kas entry iti sabali pay a salip iti panawen a pannakaangay daytoy a salip ti AMMAFLA nga agpaut manipud iti pannakalukat daytoy a salip agingga iti pannakapadayaw dagiti mannurat a nangabak iti daytoy a salip.

7. Ti parbo a nagan ti autor ti agparang a naganna a kas autor ti sarita. Ipatulod ti pakisalip iti tallo a nadalus a kopia ken pakuyogan iti narikpan a sobre a naglaon iti pudno ken parbo a nagan ti autor, paulo ti pakisalip, kaudian a ladawan ken ababa a pakasaritaan ti biag ti autor, adres ti agdama a pagnaedan, agraman email address ken numero ti selpon wenno telepono a mabalin a pakakontakan iti autor. Iti rabaw ti sobre, isurat ti paulo ti sarita ken parbo a nagan ti autor.

8. Ipatulod ti pakisalip babaen ti koreo wenno personal nga idatag iti daytoy nga adres: Short Story Writing Contest, 21st AMMAFLA, c/o Bannawag, Manila Bulletin Publishing Corp., Muralla corner Recoletos Sts., Intramuros, 1002 Manila. Nasken a maawat ti Bannawag ti pakisalip iti di naladladaw ngem iti Enero 15, 2019. Saan a mairaman iti salip ti entry a maawat kalpasan dayta a petsa.

9. Dagiti gunggona: Umuna a Gunggona, P10,000.00; Maikadua, P8,500.00; ken Maikatlo, P7,000.00. Maipaayan pay dagiti mangabak iti sertipiko ti pammadayaw. Adda met karbengan dagiti hurado a mangkissay iti bilang dagiti mangabak no awan ti makapatar iti bukodda a pagbatayan dagiti mangabak. Mabalin met a mangparnuayda iti sabali wenno nayon a gunggona, no kasapulan.

10. Mapakaammuanto dagiti mangabak no kaano ken sadino ti pakapadayawanda. No met matakuatan a sinalungasing ti mangabak ti Pagannurotan Blng. 2 wenno ti Blng. 6, maibabawi ti premiona ken mapawilanton a makisalip iti ania man a pasalip ti AMMAFLA.

Napaliiwko ti panagisakmol dagiti kakaduak iti rabsutenda lattan a kulot nga uggot sa pasarunuanda iti nalabaga a bunga a kasla koriendo ti kadakkelna. Kasla kamatis. Nagdamagak.

“Pako daytoy, maysa a klase ti tropical fern,” inkatawa ni Ludisek a nangipakita iti kulot a rangaw. “Cherry tomato met daytoy a bunga…” “Ramanam, naimas…” indiaya ni Chainus. Sumam-it ti raman ti ngumarasngas a pako a bulonan iti kasla ungto ti tammudo ti kadakkelna a kamatis. “Kasla agaw-awis ti danum,” kinunak. “Dan-aw. Atapen dagiti nataengan a konektado kadagiti baresbes ken ubbog. Mamati ti amin iti lugarmi a sagrado daytoy a lugar. Ket asino man a mangilaaw iti ragsakna, nagtaud iti tukot ti pusona. Ti di mapagduaduaan a rason, no ania ti agtaud iti puso, kasta met ti nakaparsuaan.” Kiniddayan ni Ludisek ni Bugawil.

Pinagimbudo ni Bugawil dagiti dakulapna, sa naglaaw, “Ludisek! Pipyan ta jaaa!” Nagallangogan ti pukkawna. Namitlo nga inulitna.

Nariknak ti diktar ti barukongko a tuladek met. Ti ammok, naimas a resipe dayta pipyan a mapapati a naisangpet iti pagilian idi panawen ti Galleon Trade. Mailaklako kadagiti restaurant idiay Vigan, inalseman iti pias ken pinabanglo ti bulong ti pasotes. “Chainuuus! Pipyan ta jaaa!” Ulitek koma ngem pumanaggaak metten da Ludisek ken Bugawil. Naulimek ni Chainus a mangay-ayam iti sabong ti sunflower, nga adu iti yanmi.

“Ammom kadi ti inlaawmo?” sinaludsod ni Ludisek. “Ti pipyan ta ja? Naimas ti pipyan.” Ad-addan ti paggaakda. “Ania, ‘ya, ti kayatna a sawen?” “I love you!” inkatawa ni Bugawil. Nariknak a kasla nakabaddekak iti rumanissik a beggang.

Umis-isem ni Bugawil a nagkuna a nagballigi ni Ludisek a nanglukais iti rimmusing. Kellaat, imbato ni Chainus ti sunflower ken ni Ludisek. Binarsakna pay iti pako ken atap a kamatis. Nagbinnungisngis da Ludisek ken Bugawil.

Mandar ni Ludisek a gumarikgik: “Mangalakayo ketdi a dua iti kawayan a pagapuyanyo. Mangsintawkayo pay iti bulong ti saba ta kasapulantayo. Mangisaganakay’ ti paglutuan iti kinamatisan nga udang nga alsenman iti naluom a bunga ti littuko. Eksperto ni Bugawil nga agluto iti kasta. Agkammelak iti udang.”

“Agpanaak met iti igat naimbag la nga ituno ken ilaok iti inalseman,” binagi ni Bugawil.

Idi nakapanaw dagiti dua, siaalumamayak a nagpakawan ken ni Chainus. Nga inallilawnak ni Ludisek. Ngem di simmungbat ni Chainus. Siuulimek daytoy a mangay-ayam manen iti sabali manen a sabong ti sunflower. Rimmimbaw ti kansion dagiti nagduduma a bilit. Binuyak dagiti agalis-alis a kulibangbang kadagiti nadumaduma a sabsabong. Imbakalko ti panagkitak iti naulimek a danum ngem nabaw-ing gapu iti iriag ti salaksak a limmabas iti

Newspapers in Tagalog

Newspapers from Philippines

© PressReader. All rights reserved.