DEPED PANGASINAN II, DINA PAARAMAT TI “ORTOGRAPIYA.”

Bannawag - - Tao, Lugar, Pasamak -

Supiaten ni Atty. Donato D. Balderas, Jr., Schools Division Superintendent ti DepEd Pangasinan Division II ti “Ortograpiya ti Pagsasao nga Ilokano” a kayal-alnag ti Komisyon sa Wikang Filipino. “Maulawen, a, dagiti ubbing,” kinuna daytoy bayat ti pannakiuman kenkuana ni Marlyn G. Del Rosario, mannurat ti Bannawag ken mannursuro ti Bacag East Elementary School, Villasis District II. Uray ni Arvin C. Purisima (awan iti ladawan), Administrative Officer ti nasao a division, kunana nga awan gandatna a mangbaliw, kas koma iti ispeling dagiti balikas a “siak” (tapno agbalin “siyak”), “takiag” (“takiyag”), wenno “biag” (“biyag”). Pammaneknek dagitoy a makunada ti pannakikaykaysa ti DepEd Pangasinan II nga idauluan ni Atty. Balderas kadagiti mannurat nga Ilokano ken dadduma pay a maseknan iti lengguahe nga Ilokano a mamagtalinaed iti “Tarabay ti Ortograpia ti Pagsasao nga Ilokano” nga inruar ti KWF idi 2012 a kas pagbatayan iti ispeling dagiti balikas nga Ilokano. Naala ti ladawan iti opisina ni Atty. Balderas. (Pammadayaw ni M.G. Del Rosario)

Newspapers in Tagalog

Newspapers from Philippines

© PressReader. All rights reserved.