Isasarungkar

Bannawag - - Itoy A Bilang - Marichel E. Suguitan

Magangtan ti kandela a manglukag kadagiti nairidep iti sidong ti talinaay iti sirok ti nakaikarian a daga. Agur-uray iti uray apagtaldiap Laeng nga isasarungkar ken uray Laeng sangapirit a kararag. Wen, iti simbeng ti ulimek kailiwda met dagiti isem ken timek dagiti naipatpateg. Kakibinda itan ti agnanayon ngem bilbilangenda met iti yuyeng ti managsaggaysa a tawen dagiti uray sagpaminsan laeng nga isasarungkar. Tagiurayda dagiti atang a lagip Dagiti in-inut a malaylay sa magangonto a sabong iti sakaanan ti marunrunot a kandela iti rabaw ti nawaknitan a lapida. --MARICHEL E. SUGUITAN

Newspapers in Tagalog

Newspapers from Philippines

© PressReader. All rights reserved.