19 Saludsodem ken ni Apo Hues

Bannawag - - Itoy A Bilang -

“Never heard here, my dear komari! This is an English only school! See! We produce the best English students in the province!” Nagpugtit ti prinsipala ket nagkanapraang ti uneg ti apagatsiket a nasileng a sinamburnay iti abay ti lamisaanna.

“Saan a maiparbeng ti ar-aramidenyo! Pagbalbalinenyo nga ignorante dagitoy Ilokano nga ubbing iti bukodda a bagi! No siak pay la ti superbisor iti Araling Panlipunan, paiserrak daytoy eskuelam, Komari Pilising!”

“It’s the desire of our parents, my dear Dr. Quiter! They don’t see any good with Ilokano!”

Napatakder ni Dr. Calangacang. Insaganana ti bagina a makipengnget no nasken. “You mean, you don’t believe in Mother Tongue, Pilising?”

“I believe, komari. But what could I do? I am just following the wishes of the parents!”

“Puniemes! Agpamitingkanto ta umayko pagsasawan amin dagita a nagannak! Awampay a panangisakitda iti kina-Ilokanoda! Pue!” Sinublat met ni Dr. Calangacang ti pimmugtit iti burnay ngem saan unay nga immaweng a kas iti pugtit ti prinsipala.

“Ita, gumatangka iti daytoy librok ta irugiyo ti Ilokano ditoy! Saankayo gayam a sumursurot iti pagalagadan ti gobierno. Ala, kitaem, ne!” inukap ni Dr. Calangacang ti librona sa indusngona iti rupa ti prinsipala.

Napanganga ti prinsipala. “Ngem apay ‘ta Urtugrapya, Komari Quiter? Saan ngata nga Ortograpia koma?”

“Ania ket… dayta ti kunak ta dayta la agingingleskayo ket! Naudikayon iti panawen! Panawenen dagiti millenial. Urtugrapya itan ti ispelingna!”

Agwingwingiwing ni Prinsipala Pilising. Kasla di mamati iti mulmulagatanna. “Ur-tug-rap-ya ti Pagsasa-u a I-lu-ka-nu!” intanamitimna a kunam no agsursuro nga agbasa. “Susmariakusip!” Nagmuregreg. “K-komari Quiter, agpaypayso a sinuratmo daytoy?” Kasla nasukaan a padaw itan ti rupa ti prinsipala.

“Wen! Kitaem, uray retiradotayon, adu pay la ti maaramidtayo, sika, Pilising!” Nagammimi ti isem iti gigis ni Dr. Calangacang.

“W-wen, a, ngem agibasbasaak met iti bersikulo ti Biblia dita simbaan, kasla sabali ti ispeling ti Biblia iti daytoy ispelingmo ditoy, komari? A-apay?” Pimmugtit manen ngem kasla naawanan iti aweng ti burnay.

“Dayta ti baro, komari! Binaliwanmi aminen a daan!” “A-asino ti kakaduam iti daytoy, komari?” “Ay, dimo ammo, aya, a kaanakak ni Sencio nga editor ti magasintayo nga Ilokano?” “No kasta, isu ti kaduam a nangisurat?” “Ay, saan!” nagbaw-ing ti libbi ni Dr. Calangacang. “Ngem adda imprimaturna! Basaem!”

Nagmalanga ni Prinsipala Pilising. Nagkabukab. Agtantanamitim a nangbasa iti imprimatur. Idi kuan, kasla nakalagip ta nagrimat dagiti matana.

“Dagiti ngarud kameng ti GUMIL, komari, ania ti kunada?”

“Ket no kamengak ti GUMIL, dimo ammo, aya? Naki-Pasnaanak pay, a! Kastoy ti kabaruanan a nagnanaminganmi! Ala, gumatangkan! Alaem ‘ta dua

Newspapers in Tagalog

Newspapers from Philippines

© PressReader. All rights reserved.