Ti Tarakenmo ken Sika

Bannawag - - Itoy A Bilang -

ti O, puro U kano aminen!”

“Nagalas nga ikit daytan!” Dinanog ni Sencio ti lamisaanna ket uray la nagkimat ti laptopna. Nagunay met ti agir-irig a bunton dagiti magasin kada libro iti abay ti lamisaan ket nanakraadda a naparagupog iti suelo.

“Planona ngarud a mapan ikontratan ken ni schools division superintendent dagiti nabati pay a kopia, ading. Dayta ti kadanagko! Ket no mamati ngaruden ni SDS ta adda met naganmo ngamin iti librona?” “Kasta ti kalaingna?” “Ket kabaddungalanna ngarud kano daydi tatang ni SDS, adi! Anakna pay gayam kano iti buniag ni SDS. Damagko nga ibatina kano sadiay Division Office ti nabati pay a dua ribu a kopia ti Urtugrapyana! Masiguradona a kayat kano ni superintendente. ”

Nakudkod ni Sencio ti nalampongen nga ulona. “Ania ti nakapampanunotanna iti dayta, manang?”

“Ket kunana a no kano aglatak ti ortograpiana, aglakonto kadagiti libro!”

“An-anuenna kano pay la ti kuarta, aya? Awan metten pagbasbasaenna kadatayo!”

“Idonarna kano iti libraria ditoy Capaltatan ES, ading!”

“Mayat ti gagemna, a, ngem…” nanglangit ni Sencio. “Naglaaden! Siak pay ti us-usarenna! No koma la maisukat ti ikit!” “Ngarud, a! Ania ti aramidenta, ading?” “Agpanunotta, a , kabagis!” inggibus ni Sencio. Minulagatan ni Sencio ni Juanchito a literary editor ken ni Arquelito a news-movie editor iti publikasion idi maibolsana ti selponna. “Ananuentayo, aya, ni ikitko?”

“Kasano ngarud a kontraenyo ket ikityo? Pigisentayo koma ngarud ti ortograpiana?” imlek ni Juanchito. “Maibabain, a!”

“Intayo ngarud agdemonstrar idiay Division Office?” kinuna met ni Arquelito. “Ibaontayo da Atanud JB ti GUMIL Ilocos Amianan ta kontraenda ni ikityo?”

“Adda ngarud pangtana a no kontraek kano, singirenna kano daydi pinagkasarko! Ket dina pay imbaga, a, a singirenna pay daydi pinagbasak!”

Gimluong ti paggaak dagiti dua a kakadua ni Sencio.

Saan a mailiwliwag ni Sencio ti ortograpia ni ikitna. Dina pay maiturturog. Ket no mano nga aldaw a dayta ti misterioda nga agkakadua. Kasla nakutoranda a kakok amin. No dadduma, saandan a maipamaysa ti agedit iti ileppasda a magasin. No mapulkokanda, agipaburekda ketdi iti danum sa agkakapeda. Ngem awan latta ti mapanunotda a napintas nga istratehia nga isayangkatda kontra iti Urtugrapya ni Dr. Calangacang. Agkaratanittit metten ti peysbukda. Nagwarasen iti social media ti “Urtugrapya” ni Dr. Calangacang. Kasta unayen ti panangyagyag dagiti mannurat nga Ilokano iti daytoy. Adda payen dagiti mangisagsagana iti opisial kano a takder. Adda pay mangipangpangta iti TRO kada kaso. Adda payen sumagmamano a grupo dagiti mannurat a nabukel tapno supiatenda ti

Newspapers in Tagalog

Newspapers from Philippines

© PressReader. All rights reserved.