Dagiti Pagannurotan ti Maika-8 a Pasalip ALVIYA iti Sarita

Bannawag - - Itoy A Bilang -

Para iti agtultuloy nga itutulong ti ALVIYA Literary Foundation iti panagrangpaya ti literatura ni Ilokano, ipakaammo ti Secretariat ti ALVIYA Literary Foundation nga agawaten kadagiti sarita a para iti Maika-8 a Pasalip ALVIYA (2018-2019). Is-isponsoran ni Alex V. Yadao, maysa a patron ti Literatura Ilokana a tubo iti Libertad, Abulug, Cagayan ngem agdama nga agnanaed iti Siudad ti New York iti Estados Unidos, ti nasao a salip. Imatonan met daytoy ni Dr. Freddie P. Masuli ti Cagayan State University; iti pannakitinnulong ti GUMIL Cagayan.

Dagiti pagannurotan:

1. Silulukat ti salip kadagiti amin a mannurat nga Ilokano ken uray pay kadagiti saan nga Ilokano ngem makasurat iti lengguahe nga Ilokano.

2. Nawaya ti makisalip a mangpili iti ania man a tema a kayatna a suraten.

3. Agatiddog ti pakisalip iti 15-20 a panid iti short bond paper, nai-computer (agusar iti Times New Roman, Font Size 12) iti doble espasio ken addaan iti maysa a pulgada a margin iti amin nga igid ti bond paper.

4. Maysa laeng a sarita ti maipalubos nga isalip ti tunggal mannurat a makisalip.

5. Nasken a bukod a putar ti autor ti maisalip, saan pay a naipablaak iti ania man a magasin, ken saan a patarus manipud iti ania man a lengguahe.

6. Ti laeng parbo a nagan ti autor ti agparang iti manuskrito a maisalip. Mapakuyogan ketdi ti opisial nga entry iti maysa pay a dokumento a nakailanadan dagitoy: (1) paulo ti sarita, (2) parbo ken pudno a nagan, ken (3) kabibiag ti autor agraman numero a pakakontakan kenkuana.

7. Ipatulod dagiti dua a dokumento (sarita ken ti impormasion maipanggep iti autor) babaen ti elektroniko a wagas (email) iti daytoy nga email account: [email protected]

8. Nasken a maipatulod iti Secretariat dagiti dua a dokumento iti saan a naladladaw ngem alas 11:59 iti rabii ti Pebrero 28, 2019 (oras iti Filipinas).

9. Ania man a pangngeddeng dagiti hurado, agtalinaed a kasta malaksid no maduktalan a nasalungasing ti Pagannurotan Bilang 5. Awananto metten ti autor iti gundaway ken pribilehio a makisalip pay kadagiti masungad a pasalip ti ALVIYA.

10. Makipagtagikua ti ALVIYA Literary Foundation kadagiti mangabak a sarita nupay adda latta karbengan ti autor iti copyright daytoy. Maaddaan pay ti agpasalip iti karbengan a mangipablaak kadagitoy mangabak a sarita iti ania man a wagas a kayatna karamanen iti elektroniko ken tradisional a wagas ti panagipablaak.

11. Dagiti Gunggona: First Prize, P20,000.00; Second Prize, P10,000.00; ken Third Prize, P7,000.00 ken dua a consolation prize a sag-P3,000.00. Addanto met maited a sertipiko kadagiti amin a mangabak.

12. Mayawat dagiti premio kadagiti autor bayat ti GUMIL Filipinas National Convention iti masungad a kalgaw. a kartonen, komari!”

Nabayag a nagpampanunot ti baket. Mulmulagatanna dagiti panid ti libro ni Dr. Calangacang. Kasla dina patien. “Awan ti letra O iti Ortograpiam, komari?” “Ket awan, a!” imbikag ni Dr. Calangacang. “Adda, aya, letra O iti Ilokano no ar-arigen? Awan! Letra U amin!” “Imposiblen sa dayta, komari!” “Saannak a kuestionaran! Ala, Ilukano kunam man no adda O? I-luh-ka-nuh! Kasta ti panangibalikasmo, di ngamin, komari? Yanna ti O dita?”

“Ay-i! Wen, aya?” nagmusiig ti baket a prinsipala. “Ngem madlawko iti panagsaom ket dimo met pay la us-usaren ti ortograpiam?”

Nagsanud amin dagiti kayat nga ibaga ni Dr. Calangacang. Kasla adda kinabainda ket naglemmengdan iti dina ammo no sadino ditan. A, ngem saan a ni daytoy komarina a Pilising ti mangparukma kenkuana. Adda, aya, met ammo daytoy no mayararig kenkuana?

“Ket kabbaro ngarud, komari, aniakan, aya. Isu nga iwarastayo tapno masurrotayo a naimbag. Inton mainsiartayo, mayatton!” Nagpanunot ti prinsipala. “Hustokan sa, komari!” “Hustoak, a! Ania ket ti kinadagmel dagiti nagkaunan a mannurat, kunam!” “Ania ket la a lalaingmon a nangsuksukisok iti daytoy, komari!” “Ken anagem daytoy, sika, Pilising. Nagrigat ketdin ti agispeling iti Ilokano! Saanmo nga ammo no U wenno O ti usarem. No U aminen, nalakan ti agispeling!”

Naggarakgak ti prinsipala ket nagsapri ti ngiwatna. “Wen, a! Maymaysan ti rule iti Ilokano! Di kadi uung, rabung, tarung, agurung, tururut, kumuddut...”

“Ket wen! Maymaysa ti ikabkabesa dagiti ubbing! Di naglakan, komari? Sa ammom, adda kartilia ken katon daytoy, komari. Primer, kunatayo. Pangrugian a pagbasaan kadagiti letra. Isu a nangina bassit.”

“Apay nga ita la nga adda mangibaga iti kasta, komari? Nagladawkan, aya, a nayanak? Ngem agurayka, ania ngaruden ti pakaaramatan ti O?”

“Ay, ket nalaka, a! Sa laeng mausar kadagiti proper nouns, a, komari!”

“Ay, ala, sige ngarud ta gumatangak! Adda kuarta nga iggemko, komari! Mangalaak iti duapulo a kopia!”

“Laeng?” nagarko dagiti inlapis a kiday ni Dr. Calangacang. “Nagimutkan? Ala’m ‘ta dua gasut a kopian! No maibusanka, makaammoka, komari!” “Mano ngarud ti ganansiak iti daytoy, komari?” “Buntokam iti sangagasut ti maysa, o, di adda duapulo ribu a pisosmon? Kataymo lang ti puonam idinto a siak, adu a bannog ken oras ti nabusbosko iti kapapanunot!” Ay-i! Mangalaak iti uppat a gasut, komari!” “Lakay Pedring, bumilangka iti dua gasut!” insilpo a dagus ni Dr. Calangacang. “Ammom ti agbilang?”

“Ammokto pay a bilangen ‘ta bukto, mistra!” immusiig ti lakay ket inaguantaanna nga inatay-atay dagiti libro.

“ANIA? Adda inruarna a kasta?” agarup naibbatan ni Editor Sentenciano Quinotalo ti selponna iti impadamag ti manangenna a ni Elliana Quinotalo a prinsipal. “Ket sika ti ikarkaritna, adi, ta adda met imprimaturmo didiay ngamin!”

Uray la a timmal-o ti anteohos ni Sencio iti itatakderna. “Adda imprimaturko? Kasano koma?”

“Ket pinekena, a, adi! Numona ti alas ti namnamay-anna! Awan

Newspapers in Tagalog

Newspapers from Philippines

© PressReader. All rights reserved.