Aklonen ni Cora a Dakkel ti Naitulong ni Christian Kenkuana

Bannawag - - Di Pay Naluto, Naibusen - Ni REGGEE BONOAN

ITI biang ni Cora Waddell, dina marikna a naapektaran ti kinaadda ti asawana ti careerna. Iti pannakasursurat daytoy, maipabpabuyan ti pelikula a “Recipe for Love” a pagbidaanda ken Christian Bables; manipud daytoy iti Regal Entertainment iti panangidirehe ni Jose Javier Reyes.

Segun ken ni Cora, masapul laeng a propesional ti maysa nga aktor wenno aktres a mangaramid a nasayaat iti masapul nga aramidenna.

Kabayatanna, uppat a bulan metten ti sikogna iti inaunada ken Terrence Lloyd nga asawana. Kuna ni Cora, walo a tawen a nagpagayamda ken Terrence agingga a nagbanag iti panagassawada.

Iti biang ti pelikula, kuna ni Cora a dakkel ti naitulong ni Christian kenkuana. Kunana a nakatulong ni Christian tapno maparuarna ti natural a katataona nga isu met ti masapul iti career-na a kas aktres. Segun pay kenkuana, managpakatawa ken nalaing a makisarita ni Christian.—O

Newspapers in Tagalog

Newspapers from Philippines

© PressReader. All rights reserved.