BATO NGA AGBALIN A KUARTA.

Bannawag - - Ammuem Pay Dagitoy -

Adda pagsasao a, “Kuwarta na, naging bato pa” ngem ditoy Caroan, Pasuquin, Ilocos Norte, dagiti bato ti agbalin a kuarta. Iti ladawan, tumultulong nga agpili dagiti lokal a turista nga aggatang kadagiti nadumaduma ti maris, sukog ken kadadakkelna a bato nga inan-anusan a pinidut ken binatok iti baybay dagiti nagaget a residente ti Caroan, Pasuquin, Ilocos Norte, kas paset ti pagbiaganda. Gagangay a maidaknir dagiti babassit (bisil) ken saan unay a dadakkel a bato iti kadaratan no kasta a nadawel ti baybay ket dagitoy ti anusan a pilien a piduten dagiti agindeg. Dagiti met dadakkel, batoken dagiti lallaki iti pangadalmen a paset ti baybay. Agbalor iti 50 a pisos ti aganay a sangasalup ket kagudua a bato. Kunada, “Adda kuarta kadagiti bato a maiwarawara.” (FREDDIE P. MASULI)

Newspapers in Tagalog

Newspapers from Philippines

© PressReader. All rights reserved.