Dua a Tweetniw ti Panangannugot

Bannawag - - Itoy A Bilang - Roy V. Aragon

1

mapilpilitan inanusak ti agtalinaed nga agmulengleng ken agpammarang nagtalawen ti rikna nasken nga agbati ti bagi a nagpaibalud iti wayawaya impanamnamak ti kari immisemak iti bassit inadalko ti agragsak isut’ kapilitan inibturak ti makutkuton nga agdadawat sam-it.

2

pakawanennak diak ammo ti innak inar-aramid binulbulodko la amin a kari amin a liday amin a wayawaya maysaak a balud diak bukbukod ti lubongko diak inlemmeng ti intedmo a tulbek imbellengko saak nagulimek mapakawannakto koma uray dinak pakawanen uray no iti lagip dinak papanawen.

Newspapers in Tagalog

Newspapers from Philippines

© PressReader. All rights reserved.