Ading Kosinera

Bannawag - - Itoy A Bilang - Ni MERCY R. GAÑO

ADUN a luto ti native a manok ti pinadastayo. Ania met kadagitoy a luto ti nagustuanyo? Kas iti nadakdakamat iti immunan a gundaway, mabalinyo met a baliaren dagiti ramen a nadakamat kas maibatay iti kayatyo a raman. Ken mabalinyo met nga idasar dagiti bukodyo a bersion. Ita, padasentayo man ti dua a sabali pay a potahe ti manok a naipalaon met laeng iti Native Chicken Recipe Book ti Department of Agriculture Animal Products and By-Products Utilization Regional Field Office VII.

Ginettaan a Manok Dagiti Kasapulan:

1 kilo a karne ti manok, iw-iwaen iti kalalainganna ti kadadakkel

¼ kutsarita a pimiente (black pepper), nadekdek ¼ tasa a suka 1 tasa a getta ti niog 1 tasa a danum 1 kutsara nga asin 3-5 kangipen a bawang, nadekdek laya

Panangisagana:

1. Paglalaoken amin a ramen 2. Pabureken iti 20 a minuto wenno agingga a lumukneng ti karne ti manok. 3. Mabalinen nga adawen no medio maatianan ken pumaleten ti digona. * * *

Adobo a Manok Dagiti Kasapulan:

1 kilo a karne ti manok, naiw-iwa ¾ tasa a suka 4-6 kangipen a bawang, nadekdek 1 bukel a sibuyas, galipen 1 tasa a danum ¼ tasa a manteka ¼ tasa a soy sauce 1 kutsarita nga asin

Panangisagana:

1. Mangala iti kaserola. Ilaok ti karne ti manok iti suka, soy sauce, sibuyas ken bawang. 2. Bay-an a maupran iti tallo nga oras iti uneg ti refrigerator. 3. Nayonan iti danum. Pabureken iti nakapsut nga apuy agingga a lumukneng. Nayonan ti danumna no kasapulan.

4. Ikirog a nasayaat ti karne ti manok agingga nga ag-brown ti kolorna.—O

Newspapers in Tagalog

Newspapers from Philippines

© PressReader. All rights reserved.