Agkatawa ti Mayat

Nauram ti kapilia kalpasan a nakimat. Napan ti pastor iti ahente ti seguro tapno agpatulong a mangkobrar iti seguro ti kapilia.

“Saan a mabalin, a, pastor,” kinuna ti ahente. “Maibilang nga ‘An act of God’ wenno ‘aramid ti Dios’ ti pannakakimat ti kapilia isu nga awan ti sungsungbatan ti kompania.”

Piman ni Apo Pastor; napan ngarud nagdadawat iti donasion tapno mabangonna manen ti kapilia. Ngem kinuna ti mannalon nga immuna a nagkiddawanna iti donasion: “Uray ditana, Pastor. Diak kayat nga ited ti kuartak ken ni Apo Dios a mangpuor iti bukodna a balay!”