Siled ti Kararag
Basaentayo ti Isaias 43:18-21:
Maysa a baro a parsua ti asino man a mainaig ken ni Kristo. Naglabasen dagiti daan a banag ket dimtengen dagiti baro.—2 Corinto 5:17
TI Baro a Tawen, isu ti kabarbaro a gundaway a naited kadatayo tapno magun- odtayo dagiti saantayo pay a nagun- od. Isu a kinunak nga idi dimteng ti maysa a baro a tawen iti biagko nga ipasnekko ti panagadalko ken ti panagbalinko nga atleta. Ngem di maliklikan a no dadduma, nagdandanagak a maapektaran ti masakbayak gapu kadagiti nagkapuyak iti napalabas. Pagsayaatanna, ibaga kadatayo ti 2 Corinto a saan nga ibilang ti Dios a maibusor kadatayo dagiti nagkurangan ken basoltayo no la ketdi agbibiagtayo ken ni Kristo. Ti panagbutengtayo nga amangan no ditay magunod dagiti arapaaptayo agsipud iti napalabastayo, apektaranna ti panagballigitayo iti masakbayan. Ibaga kadatayo ti Nasantuan a Surat a saantayo a madanagan. Maysatayo a baro a parsua.
Nagsanggirak ngarud iti sao ti Dios, ket impapatik ti nagadal babaen ti agtultuloy a panangbasak kadagiti leksionko ken ti napasnek a panangsurotko iti ibaga kaniak dagiti mannursuro. Saanko met a liniwayan ti panagensayok nga agtaray ken ti panangdisiplinak iti panunotko.
Nupay kasta, diak magun- od dagitoy no isinak ti panagkitak iti Dios. Ti kangrunaan a panggeptayo ket ti panangaramid iti pagayatan ti Dios. Ti panagayattayo iti Dios ti mangiturong kadatayo nga agtrabaho a sipapasnek tapno magun- od dagiti kayattayo. Ti pakaidayawan ti Dios ti panggeptayo iti amin nga aramidentayo. Iti panagdaliasattayo nga agturong iti masakbayan, mabalintayo ti agsanggir iti Dios, ania man ti mapasamak iti umay a baro a tawen.
Kararag: Dios ti baro a panangrugi, addaka koma kadakami ita a Baro a Tawen. Pukawem kadi dagiti nagbiddutanmi iti napalabas. Tulongannakami nga agbiag iti inaldaw babaen ti kaaddam kadakami. Amen. Kapanunotan: Diak ipalubos a ti napalabasko ti mangilisi kaniak a kumita iti panggep ti Dios a para kaniak. Ikararagan: Dagidiay awan kabaelanda a mangpaluspos kadagiti nagkuranganda iti napalabas.