No Adda Sigsigloten, Adda Met Warwaren

Bannawag - - Itoy A Bilang - Ni ANNA LIZA MADAYAG GASPAR, CPA

N O dagiti dadduma, ibagada nga awan forever iti ayat, ibagak met ditoy “No Adda Sigsigloten, Adda Met Warwaren” nga iti Pag-IBIG adda kuarta, garantisado pay. Maysa kadagiti kalalakaan a pangisiglotantayo iti kuartatayo ita a baro a tawen dagitoy a savings program ti Home Development Mutual Fund (HDMF) wenno PagIBIG: ti Pag-IBIG savings ken ti Modified Pag-IBIG 2. Garantisado ti HDMF dagiti savings dagiti miembro, mairaman ditoyen daytay employer’s contribution ken dibidendo.

Pag-IBIG Savings

Ti pagsayaatan daytoy Pag-IBIG savings program, no la ketdi maited dagiti minimal documentary requirements, uray asino mabalinna ti agmiembro. #ShoutOut kadagiti padak a nanang aglalo kadagitay agtagibalay. No saankayo pay a miembro ti Pag-IBIG a kas voluntary member, ikalendarioyon ta no adda panawenyo, inkayo nga inkayo idiay Pag-IBIG tapno agpamiembrokayo. Nasaysayaat pay ketdi no sakbay a mapankayo iti kaaasitgan nga opisina ti Pag-IBIG, i- message- yo ida iti Facebook pageda tapno damagenyo dagiti umno a requirements. Nadumaduma ngamin ti klase ti voluntary member.

Para kadagiti padak a napagasatan nga adda regular take home pay- na, daytoy man ti estimate ti Pag-IBIG no mano ti pagbalinan ti binulan nga itintinnagyo (mairaman ditoyen ‘tay employer’s contribution).

Daytoy 4% a tinawen a dibidendo, mabalin met a ti aktual, nangatngato wenno nababbaba. Ti pagsayaatan daytoy a programa ti Pag-IBIG, mabalin a nayonan ti miembro ti

personal contribution- na. Kas koma kaniak, P1,000 ti maik-ikkat iti sueldok iti binulan ta isu ti regular savings- ko a para iti Pag-IBIG. No kayatyo a nayonan ti binulan a siglotenyo iti Pag-IBIG, kasaritayo laeng ti Accounting Department- yo.

Modified Pag-IBIG 2

Rinugian ti HDMF ti Modified Pag-IBIG 2 wenno MP2 idi 2010. Daytoy a savings

program saan a kas iti regular savings program ti Pag-IBIG nga agingga iti panagretiro; ketdi, ag- mature ti MP2 savings kalpasan ti 5 a tawen. Nangatngato pay iti 0.50% ti dibidendo ti MP2 ngem ti regular savings program ti Pag-IBIG ken P500 ti kababaan a binulan a siglotan iti daytoy a programa.

Daytoy man ti estimate ti Pag-IBIG no mano ti pagbalinan ti binulan nga itintinnagyo.

No napagasatankayo nga agtawid iti dakkel bassit a gatad, mabalinyo pay nga inayon iti MP2 savings- yo. Mabalin a one-time, big-time, a kunada.

Ti man Pag-IBIG Regular Savings Program wenno MP2 ti pilienyo a pangisiglotanyo iti kuartayo, iti Pag-IBIG, garantisado a manayonan dayta sigsiglotanyo.—O

Newspapers in Tagalog

Newspapers from Philippines

© PressReader. All rights reserved.