Kudeta (44)

Saan a napupuotan ti heneral ti nangdanog iti angin iti ragsakna. Isun ti sumaruno a Presidente ti Filipinas.

Bannawag - - Itoy A Bilang - Norberto D. Bumanglag, Jr.

Ti Napalabas: Natuntonanda ti balay a yanna. Inibus ni Melanie ida isu a ni Anwar a mismo ti nangidaulo kadagiti mapan mangsawar kadagiti kakaduada. Nagpaarayat met ni Melanie ken ni John. Naitarayanda ida. Impudno ni Melanie a ni Rommel ti akin-aramid iti panagpukawna ket balsenna mayat man wenno saan ni John. Pinanggep dagiti tao ni Anwar a serken ti balay ni John ngem napatay ida da John. Nasdaaw ti Presidente idi ibaga ni Pat a nakidnap ni Gloria ket ni John ti nangsaka. Impudno met ni Daniel ken ni John ti dina panagtalek ken ni Gloria. Iti kabigatanna, pinatay dagiti tao ni Agent Stewart dagiti sniper a PSG iti Central Hypermart. Sinerrek met da Agent Crawford ti pasdek ti kadakkelan a banko. Ipakpaknidan dagiti guardia a pinatayda idi paturongan ida ti sabali pay a PSG. Dinagas ni John ni Gloria iti hotel. Sakbay a nagluganda iti nangsukon kadakuada a limousine, napan ni Gloria iti restroom. Sinurot ni John. Nangngegna ti pannakisarita ni Gloria iti selpon.

(Maika-44 a Paset)

NAPAMUTTALENG da Agent Crawford ken Agent Tierney iti pannakakellaatda a nakakita iti sabali pay a PSG. Nakapaturongen ti paltog daytoy kadakuada. Nagkinnitada. Ania ti aramidenda? Agpada a nakasabikel dagiti paltogda. Awan ti gundawayda a mangasut. Ngem saan pay a naisubli ni Agent Crawford ti imukona a pinanggetgetna iti tengnged ti guyguyodenna a bagi ti natayen a PSG.

Agkakadakes dagiti rumrummuar a balikas ti makapungpungtot a PSG. “Pinatayyo ti kaduak, papatayenkayo met!” kinunana.

Makayaman ketdi ni Agent Crawford ta saan nga agririaw ti PSG. Nadlawna pay ti apagapaman a pannakapukaw daytoy ti simbengna gapu iti iririmbaw ti pungtotna ket ginundawayan ti ahente daytoy. Nakaparpardas a nangibbet iti bangkay a guyguyodenna sa imbatona ti imuko iti PSG. Kimmali ti imuko iti barukong ti lalaki. Napamulagat daytoy iti dakkel a nangkita iti imuko iti barukongna. Iti panagkuna ni Agent Tierney, kabaelan pay laeng daytoy ti pumaltog isu nga inasutna ti paltogna sa pinaltoganna iti namindua ti ulo daytoy. Naarinuknok a saan man laeng a nakauni ti PSG.

Intuloy dagiti dua ti nangipakni kadagiti bangkay. Kalpasanna, nakaan-annadda a nagturong iti agdan. Saanda a nagna iti elevator ta dida kayat a makadlaw dagiti adda iti ngato. Nakagtengda iti maikatlo a kadsaaran nga awan ti nasagangda a security.

Siaan-annad a pinuligos ni Agent Crawford ti seradura ti ridaw sa siaan-anat nga induronna. Simmirip. Nakitana dagiti dua a PSG a nakapakleb a mangsirsirip iti scope dagiti nakaangkla iti datar nga sniper rifle- da.

Kinita ni Agent Crawford ni Agent Tierney. Pinatakderna ti tammudo ken pattungaganna. Nawatan ti ahente ti senias. “Ready?” sinaludsod ni Agent Crawford. Nagtung-ed ni Agent Tierney. Induron ni Agent Crawford ti ridaw. Nagranitrit. Napataliaw dagiti dua a PSG ngem sakbay a nakapaggunayda, dua a maipipit a putok ti immaweng. Agpada a napuntaan ti ulo dagiti sniper a PSG. Saanda pay a nakapagasug.

Nagradio a dagus ni Agent Crawford. “Santa this is Charlie, the bank is clear...”

“10-4, Charlie. Get ready, ETA of the rooster is 1630H, 30 mikes to go.” “Copy that, Santa... and we are ready...” “Remember, there are no rooms for error, and there’s not gonna be any second chance. So I’m counting on you, guys. Did you copy that too, Bravo?”

“Copy that, Santa, we are ready...” insungbat ni Agent Nicholas nga adda iti rooftop ti Central Hypermart.

IMPALAWLAW ni John ti panagkitana. Awan a pulos mabalinna a paglemmengan. Dina kayat nga agatap ni Gloria. Ngem asidegen ti paggapgapuan ti kanaktuol ti sapatos. Arintarayen nga immadayo bassit iti restroom sa met laeng nagsubli. Kayatna a pagparangen nga adda sapsapulenna

ken agturong pay laeng iti restroom. Masmasdaaw ni Gloria a nakasabat ken ni John. “Sapsapulek ti restroom,” kinuna a dagus ni John. Napunas ti siddaaw iti rupa ni Gloria. Immisem sa kinunana: “Agderetsoka sa agpakanawanka,” impatuldona.

“Thank you. Mabiitak laeng,” kinuna ni John ket nakaparpardasen a nagturong iti restroom. Ngem pampanunotenna dagiti nangngegna ken ni Gloria. Saanna a naawatan amin ngem kasla mapagsasaipna. Plano? Painumen? Paturogen? Adda kayatda a patayen? Ad-addan a dimmakkel ti atapna iti daytoy a babai. Nagbayag iti sumagmamamano a minuto iti restroom sa nagsubli iti yan ni Gloria. Inabay ida dagiti dua a naka- coat and

tie a lallaki a nagturong iti limousine nga agur-uray iti sango ti hotel. Inlukatda ti maysa ti ridaw ket limmuganda. Immuna ni Gloria, simmaruno ni John. Naggunay ti lugan apaman a nairikep ti ridaw daytoy.

“Napadasam kadin ti nakisango iti Presidente, John?” sinaludsod ni Gloria. “Saan. Damo daytoy... ket magagaranak.” “Am-ammom kadi ti Presidentemi?” “Asino ti saan a makaam-ammo?” “Agirayka kadi iti politika?” “Awan essemko. Narugit, saan ngata? Ngem maseknanak latta kadagiti mapaspasamak, isu a nasken a maammuak dagitoy.” Kinita ni John ni Gloria.

“No saanka a nairuam, kasla personal no dadduma. Makalida ti amin pati kababassitan a bangsitmo. Ngem mairuam...”

Nagwingiwing ni John. “Narigat sa a mapasamak dayta. Diak mairusok.” “Ngem kasla awan aniamanna kenka no pumatayka iti tao...” “Dakes a tattao, Gloria. Terorista a mangdaddadael kadagiti nasion dagiti patpatayek. It’s a matter of survival. It’s either them or us.” “Ket pulos a saanka a makonsiensia...” “Trabaho laeng daytoy, Glory.” “Rumbeng ngarud nga agrambakta,” kinuna ni Gloria sa nagalusais iti bangir. Linukatanna ti refrigerator. “Ania ti kayatmo nga inumen?” Kellaat, nalagip ni John ti pannakisarita ni Gloria iti selpon. Painumen! “Wine, arak wenno beer?” “Beer.” Nangala ni Gloria iti San Miguel beer sa inyawatna ken ni John.

Inawat ni John ti serbesa. Kinitana ti kalub ti botelia. Nalukatan ngatan? Nairut ti kalubna. Ginaw-atna ti can opener sa linukatanna sa minatmatanna manen ti naguneg daytoy. Tingtingitingenna no inumenna wenno saan.

“Diak mapagturong ti riknak no uminumak sakbay ti pannakisangok iti Presidente... Adda ngamin dagiti kanito a no uminumak, agbeddalak,” ti nakarawa ni John a rason ta nadlawna a kitkitaen ni Gloria. “Ken nalakaak a maulaw. Amangan no nabartekakton no makisangoak iti Presidente. Nakababain met.” “Beer laeng dayta... bassit ti alkoholna.” “Wen, ngem talaga nga alistoak a maulaw. Ngem agurayka... apay a saanta nga aggudua? Sikan ti umuna nga uminum...

deal?” Inyawat ni John ti botelia ti serbesa ken ni Gloria. Naikuleng ni Gloria. “S-saan. Inumem ketdin, bassit laeng dayta,” kinuna ni Gloria.

“Saan ngarud a parehas... Agguduata. Ladies first.” Nakatanggaya pay laeng ti serbesa ken ni Gloria.

Napamuttaleng ni Gloria. Ngem napilitan a nangawat iti serbesa. Kinitana ti botelia sa insublatna ni John. “Agpadatan a mabartek no kaskasano,” kinunana ket intangadna ti botelia. Saan a nagsardeng agingga iti saanna a nagudua. Inyawatna met laeng ken ni John, kalpasanna.

Inawat ni John ti serbesa sa kinitana ni Gloria. Intangadna met ti botelia agingga a naparekrekan. No adda mapasamak kenkuana, mapasamak met ken ni Gloria.

NAKASAGANAN ti nangisit a Mercedes-Benz W221, ti limousine a pagluganan ti Presidente. Uray dagiti lugan dagiti eskort a kameng ti Presidential Security Group a kas iti Nissan Patrol nga SUV, Audi A6, BMW 7 Series ken

Hyundai Starex, nakasaganadan. Naruam ti Presidente nga agbiahe a bassit laeng dagiti guardiana gapu ta kayatna a maasitgan dagiti tao. Ngem iti daytoy nga aldaw, naidumduma iti kinaadu dagiti eskortna. Kalpasan ti nabayag a panangal-allukoy kenkuana ti Chief of Staff-na, immannugot met laeng.

Agpapada ti Chief of Staff, ti hepe ti PNP ken sumagmamano nga ahensia a pannakabagi ti linteg nga agat-atap a pudno nga adda grupo nga agtarigagay a mangpapatay kenkuana. Ngem patienna nga uray adda man agtarigagay a mangagaw iti takemna, saanto nga umannugot dagiti tao. Ammona no kasano ti panangay-ayat ti kaaduan kadagiti tao kenkuana. Ket no adda man mangisikat kenkuana, dagiti tao ti agbalin a lappedda.

Iti nadaeg a salas ti pimmalasio a balay a nagtarusan ti Presidente, nakaserserioso nga agsarsarita da Pat Coloma ken ni Dir. Gen. Manzano bayat ti panangur-urayda iti Presidente nga adda pay laeng iti ngato.

“Agdandanagak, hepe,” kinuna ni Pat Coloma. “Kasla adda dakes a mapasamak ita. Ania ti makunam?”

“Kasta met ti marikriknak, sir,” inyanamong ti hepe. “Ngem ania ti maaramidtayo... Binagaakon ti Presidente a kas met laeng iti panangikarkarigatam a mangkombinsir kenkuana a saanna nga ituloy daytoy...”

“Dayta ti pakasuronak, natangken ti ulona. Ipapatina lattan nga awan ti makaitured a mangtubngar iti pagayatan dagiti tao.”

“Dina maamiris a no kas pangarigan adda kudeta, asino man a mangagaw iti turay, yetnagna ti Martial Law. Ket umannugot man wenno saan dagiti tao, awan ti maaramidanda ta maiparitton ti demonstrasion ken mangkontra iti gobierno.”

Immanges iti nauneg ni Pat Coloma. “But to make you feel better, sir... We had instituted the most layer on the line of defense of the President. We will protect him. Dimi ipalubos nga adda dakes a mapasamak iti Presidente.’ Madamdama pay, nakitada a mangrugin nga umulog dagiti

security detail ti Presidente. Simmaruno ti Presidente ken ti sumagmamano kadagiti security detail- na.

Sinabat a dagus ni Pat Coloma ti Presidente idinto a rimmuaren ti hepe.

“Ni Madam Rose, napan kadin innala dagiti taotayo?” ti impasungad ti Presidente ken ni Pat Coloma.

Nagsennaay ti Chief of Staff ken awan rantana a mangilinged iti Presidente iti suronna. “Isu ti ipangpangrunam? Adda ti biagmo iti kangitingitan ngem dayta pay laeng a Madam Rose ti umuna a saludsodem?”

Nagkatawa ti Presidente. “Pat, kunak laeng ta bareng no mayaleng-alengmo dayta a panagdandanagmo ken dayta kudeta a sangkapanunotmo. Agrelakska man...”

Immanges iti nauneg ni Pat. “Addan iti kapitolio, kaduana ni John Villa kas imbilinmo. Naragsakkan?”

Sinallabay ti Presidente ni Pat. “Umisemka man... Kitaem, agkataebta ngem laklakay nga amang ti langam.”

Nagmuregreg ni Pat Coloma, ngem kinitana iti apagapaman ti rupa ti Presidente. Sa nagdiwig ti bibigna.

“Nalaklakayka a kitaen ta seriosoka unay iti biag. Awan ammom a paglinglingayan malaksid iti trabahom ken ti panangannongmo a nakaserserioso...” “Ay-ayatek ti asawak,” inkusilap ni Pat. Naragsakan ti Presidente. Nabayagen a saan a kastoy ti kinasinged ti pannakisao ti gayyemna kenkuana. “Ammok, ngem masapulmo met ti paglinglingayan no dadduma,” innayonna latta. “Ngem bay-amon. Uray ania ti sasawek, saanmonto met laeng nga aramiden. I respect you for that. Nagasat ni komari,” inkatawana.

Saan a nakauni ni Pat. Siuulimekdan a nagturong iti armored plated presidential limousine.

CAMP AGUINALDO. Duapulo a katao ti makumikom la unay iti binangon ni Gen. Miguel a nalimed a headquarters, a nagbalin a communication center. Ditoy ti pangsursurotanda kadagiti amin a mapaspasamak iti sibubukel a pagilian. Ngem kangrunaan iti amin, nakatuon ti imatangda iti Ilokos. Sadiay ti pakaisayangkatan ti planoda ket nagtitiponen sadiay dagiti amin a puersa dagiti renegade a kameng iti Philippine Army, Philippine Air Force, ken Philippine

Newspapers in Tagalog

Newspapers from Philippines

© PressReader. All rights reserved.