Masikog ni Julia?
ADDA sayangguseng, ‘bagis, a masikog ni Julia Montes.
Siempre, ni Coco Martin ti tuduenda nga ama, a segun met laeng iti sayangguseng, nobio ni Julia. Iti pannakasursurat daytoy, adda iti Germany ni Julia a lugar ti amana a kunada, tapno urnosenna ti maipapan iti citizenship daytoy.
Iti biangko, ‘bagis, nasayaat latta basta natalged ti panagsikog ni Julia, ken nasalun-at nga ubing ti yanakna. Kuna ni Jean Garcia, nakappapati dagiti mabuya nga eksena ti “Ika-5 Utos” a teleserye a pakaibilanganna ta dida maliklikan ken dagiti kakaduana a mayagus ti riknada. Saanda met a maliklikan, siempre, a masaktanda ti tunggal maysa. Ngem gapu ta artistada, ammoda a timbengen ti tignayda. Saanda kano met ngarud kayat a suitiken dagiti eksenada kada Gelli de Belen ken Valeria Concepcion. Kasta met dagiti eksena a pakairamanan da Jeric Gonzales, Jake Vargas, Migo Adecer, Inah de Belen ken Klea Pineda.
Ti laengen kanayon a laglagipenda, isu ti panagannad tapno saan met nga ania a masaktanda. Adu ti agsalsaludsod no adda pay la ‘chemistry’ da Kylie Padilla ken Ruru Madrid nga agbida iti “TODA One I Love”.
Nagkasar met ngaminen da Kylie ken Aljur Abrenica ket ipato ti dadduma nga amangan no ‘maalangan’ dagitoyen kadagiti eksena.
Idi nagpareha da Kylie ken Ruru iti “Encantadia,” adda ‘chemistry’ dagitoy. Nobio pay laeng ni Kylie ni Aljur idi.
Narigat met ngarud no saan a makikallaysa ni Kylie para laeng iti teleserye, di kadi? Adda met ngaruden anakda ken Aljur.
Ala, barbareng no agballigi gi met laeng ti teleseryeda ken Ruru. Kuna ni Jericho Rosales a saan pay a nakasagana nga agbalin nga ga ama.
Sungbatna daytoy kadagiti ti dagullit a kameng ti prensa a nangsaludsod aludsod no apay a saan pay nga agsikog ti asawana idinto a mano a tawen metten n nga agassawada.
Innayon ni Jericho a padana a makumikom pay laeng ti modelo nga asawana. a.
Ala.—O (Chairman ni Kabagis Eloy iti Hunta a Direktiba ti FAMAS, HostProducer ti Celebrity Hour Media Forum, ken Trustee iti Aliw w Awards Foundation, dation, Inc.—AST)