Biag ni Ilokano
ADU met nga Ilokano wenno Ilokano ti puonda ti simrek iti lubong ti pelikula wenno iti entertainment business.
Maysa kadakuada ni Vice Ganda, nalatak nga artista ken komediante. Amammo pay a kas Jose Mari Viceral, maysa nga Ilokana ti inana a taga-La Union.Iti met laeng La Union ti namunganayan ni Gloria Diaz, ti umuna a Filipina a Miss Universe a nakoronaan idi 1969. TagaAringay, La Union ni Diaz. Nalatak met laeng nga artista ti anakna a ni Isabelle Daza.
Taga-La Union ti Ilokana nga ina ni Coleen Garcia.
Ilokana met laeng a taga-Pangasinan ti ina ni Anne Curtis.
Maysa pay kadagiti nagkakauna nga artista ni Carmen Rosales a tagaPangasinan.
Ilokana ti ina ni Bela Padilla a tagaNueva Ecija. Kabsat ti lola ni Bela Padilla ti lola ni Daniel Padilla.
Kasta met a maysa nga Ilokano ni Robin Padilla a naggapu met laeng iti Nueva Ecija. Ni Robin ti ama ni Kylie Padilla.
Taga-Isabela ti ina ni Yassi Pressman. Naggapu met iti Nueva Vizcaya dagiti nagannak ken ni kumakanta a ni Darren Espanto. Sigud met a nagnanaed ni Jimboy Martin iti Nueva Vizcaya.
Taga-Cervantes, Ilocos Sur ni Alma Moreno. Maysa nga Ilokana ti inana ken Kampampangan ti amana.
Kadagiti makaam-ammo ken ni Alden Richards, taga-Sinait, Ilocos Sur ti ina ti amana.
Iti Bangui, Ilocos Norte ti naggapuan ti ina ni Jessie Mendiola a ni Didith Reyes.
Iti siudad ti Baguio ti nakayanakan ni Martha Vanessa Antonio del Moral nga adadda nga am-ammo iti naganna a Vanessa del Moral.
Naggapu ti ama ken appo ni Liza Soberano wenno Hope Elizabeth Soberano iti Sta. Maria, Ilocos Sur; Asingan, Pangasinan; ken Baguio City.
Maysa pay a saan a maipagpagarup nga Ilokana ni Lilia Cuntapay a maysa a horror actress. Maysa pay nga Ilokana ni Nova Villa. Mairaman kadagiti dadduma nga artista nga Ilokano da Jhong Hilario, Bianca King, Carlo Lacana, Japoy Lizardo, Guji Lorenzana, Jane Oineza, Jim Paredes, Markus Paterson, ken Jericho Rosales.
Iti lubong ti telebision, maysa met nga Ilokano ti ama ni Ces Drilon.
Taga- San Juan, La Union ni Jessica Soho. Ni Soho ti umuna a Filipino a naipaayan iti British Fleet Journalism Award idi 1998.
Uray ni Ruby Rodriguez, maysa met nga Ilokana a taga-San Marcelino, Zambales. Mabuybuya daytoy iti programa nga Eat Bulaga!—O