NO MATUROGKA ITI HOTEL.
Nasaysayaat no agbalonka iti bukodmo a pagipapudotan iti danum a para iti kape (no managkapeka) a saan ket nga usarem ti portable water pot boiler wenno electric kettle nga adda iti kuarto ti hotel. Ngamin, dimo ammo no ania ti inar-aramid ti naudi a nagyan iti kuarto iti water pot boiler ket dimo met ammo no pudno nga inug-ugasan daytoy dagiti agserserbi iti hotel. Nasayaat met no agbalonka iti naranghita nga ukisam apaman a makastrekka iti kuarto ti hotel. Pabangluenna ti kuarto; a saan ket nga agat-antiseptic ti maangangotmo.